Agjencia Zhurnal.mk

Sot 15 vjet më parë u publikua videoja e parë në Youtube – ishte vetëm 18 sekonda

Në epokën e mediave sociale, krijuesit janë duke punuar vazhdimisht për të krijuar përmbajtje të reja që janë edhe argëtuese dhe origjinale.

Por në YouTube, ku ka më shumë se miliardë përdorues, konkurrenca është e lartë, pasi videot duhet të “dallohen” nëse ata duan të mbijetojnë në konkursin më të madh për shikime.

Por, nëse do të ktheheshit në fillet e saj, do të gjesh një video në YouTube që përfshin natyrën e thjeshtë të mediave sociale – siç është një në formën e “Unë në kopshtin zoologjik”.

Më 23 prill 2020, videoja e parë në YouTube do të festojë përvjetorin e saj të 15-të, përcjell Telegrafi.

Megjithatë, edhe sot videoja, e krijuar nga bashkëthemeluesi i YouTube, Jawed Karim, po vazhdon të mbetet “e fortë”.

Në videon 18 sekondëshe, e cila është shikuar më shumë se 90 milionë herë që është ngarkuar dy muaj pas krijimit të faqes dhe një muaj para fillimit publik beta të platformës, Karim përshkruan vizitën e tij për të parë te elefantët në kopshtin zoologjik të San Diego.

“Ja pra, këtu jemi para elefantëve”, tregon Karim, i cili ishte 26 vjeç në atë kohë. “Gjëja interesante për këta është se ata me të vërtetë kanë ‘hundë’ vërtet të gjatë dhe janë të lezetshëm”.

“Dhe kjo është gjithçka që duhet të themi”, përfundon bashkë-themeluesi i YouTube.

Ndonëse kjo video mund të jetë harruar, ishte modeli ideal për atë që YouTube shpresonte të bëhej – një platformë ku njerëzit mund të ndanin momente nga jeta e tyre, interesante apo jo.

Sot, në uebfaqen e YouTube thuhet: “Misioni ynë është t’u japim zërin të gjithëve dhe t’u tregojmë atyre botën”.

Formati gjithashtu krijoi një sferë të re në industrinë e mediave, duke ndryshuar mënyrën e qasjes së njerëzve dhe konsumimit të lajmeve.

Vetëm pesë muaj më vonë, YouTube arriti një tjetër moment historik, kur një reklamë virale e gjigantit “Nike” arriti shikime prej 1 milion pamje – video e parë e platformës që e bëri këtë – dhe deri në tetor të vitit 2006, Google kishte blerë kompaninë për 1,65 miliard dollarë.

Çfarë bie në sy është fakti se sa i përket rolit të Karim në evolucionin e YouTube pas ngarkimit të videos së parë, themeluesi i teknologjisë kurrë nuk ka “marrë rrogë, përfitime apo edhe një titull zyrtar”, sipas New York Times, por përkundrazi, shkoi në Stanford për gradën e tij master në shkencën e kompjuterëve.

Megjithatë, ai bëri para nga shitja, duke u larguar me 64 milionë dollarë aksione. Sot, Karim ka një vlerë neto të vlerësuar prej 140 milion dollarë.

Marketing 2/1

Marketing 2/2

Marketing 2/1

Marketing 2/2

S.B.

Lajmet e fundit

Loading...