Agjencia Zhurnal.mk
Maqedoni

Sot në Kuvend votohen zv.ministrat

Shkup, 22 shtator – Zhurnal.mk – Kuvendi sot duhet ta mbajë seancën e 13-të, në rend dite të së cilës është propozimi për emërimin e zëvendësministrave në Qeverinë e Republikës së Maqedonisë së Veriut.

Për zëvendësministër të Mbrojtjes është propozuar Bashkim Hasani, në Ministrinë e Punëve të Brendshme, Nazim Bushi, ndërsa Agim Nuhiu është propozuar për zëvendësministër të Drejtësisë.

Ilhan Rahman është propozuar si zëvendës i ministrit, që e udhëheq Ministrinë e Sistemit Politik dhe Marrëdhënieve Ndërmjet Bashkësive, ndërsa Fatmire Isaki si zëvendësministre e Punëve të Jashtme.

Në Ministrinë e Financave, zëvendës i ministrit Fatmir Besimi duhet të jetë Dimitar Kovaçevski, ndërsa në Ministrinë e Ekonomisë është propozuar Zoran Manevski. Në dikasterin e bujqësisë është propozuar Trajan Dimkovski, i cili më parë mbante postin ministror në të njëjtën Ministri.

Doktor, Ilir Hasani është propozimi për zëvendësministër në Ministrinë e Shëndetësisë. Arafat Shabani është emëruar në Ministrinë e Arsimit dhe Shkencës, Enver Husein në Ministrinë e Punës dhe Politikës Sociale, Zoran Dimitrovski në Ministrinë e Vetëqeverisjes Lokale dhe Sedat Sulejmani në Ministrinë e Kulturës.

Për zëvendësministër të Shoqërisë Informatike dhe Administratës është propozuar Aleksandar Bajdevski, në Ministrinë e Transportit dhe Lidhjeve, Bekim Rexhepi, ndërsa në Ministrinë e Mjedisit dhe Planifikimit Hapësinor, Hristina Oxhaklieska.

Propozimin me zëvendësministrat në Parlament, Qeveria e paraqit të premten.

Postime të ngjashme

Punësime në Gjevgjeli, Dellçevë dhe Berovë të maqedonasve të deklaruar si shqiptarë?

Dafina Vidishiqi

Fadil Zendeli ia then bastionin ASh-së, Gostivari radhit pas Zendelit

Dafina Vidishiqi

Azem Sadiku nga PDSH do të rikandidojë për kryetar të Komunës së Studeniçanit

R Zh

Dokumentet personale, MPB azhuron sistemin, vonesa deri të martën

Dafina Vidishiqi

Ruzhin: Makron dhe Merkel mund ta zgjedhin problemin mes RMV-së dhe Bullgarisë

R Zh

Lëvizja BESA vazhdon ristrukturimin, sonte u themeluan nëndegët e fshatit Çajlë dhe Forinë

R Zh

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...