202
Spanja ka fituar Kampionatin Evropian të Futbollit, pasi mposhti me rezultat 2 me 1 ekipin kombëtar të Anglisë.
Kjo është hera e katërt që Spanja shpallet kampione evropiane në futboll – më shumë se çdo kombëtare tjetër.
Spanja kaloi e para në epërsi në minutën e 47 me një gol të Niko Williams. Por, në minutën e 73, Cole Palmer shënoi, duke barazuar rezultatin.
Golin e fitores për Spanjën e shënoi Mikel Oyarzabal në minutën e 86-të, duke ia pamundësuar Anglisë që për herë të parë të fitojë Kampionatin Evropian të Futbollit.
Spanja kishte fituar Kampionatin Evropian të Futbollit edhe më 1964, 2008 dhe 2012.