Italia e ka mbyllur pjesën e parë në epërsi ndaj Belgjikës (2-1) në ndeshjen çerekfinale për Euro 2020.
Një ndeshje shumë e bukur mes këtyre dy skuadrave ku nuk kanë munguar rastet.
Italia shënoi fillimisht me Lero Bonuccin, por goli u anulua, ndërsa Gio Donnarumma bëri dy pritje të mëdha ndaj Romelu Lukakut dhe Kevin De Bruynes.
Por momenti i golit erdhi në minutën e 31-të, ku një gabim në mbrojtjen e belgëve, nuk u fal nga italianët.
Vermalen humbi një top, i cili u mor nga Marco Verratti, që asistoi te Nicolo Barella, i cili lëvizi bukur në zonë dhe dënoi portierin Thibaut Courtois (1-0).
Por sulmet e Italisë nuk u ndalën, duke gjetur sërish golin në minutën e 44-të.
Lorenzo Insigne shënoi gol të bukur me një goditje fantastike nga jashtë zonës.
Por Belgjika shpejt u kthye në lojë, pasi fitoi penalti që e ktheu në gol Romelu Lukaku.
Një ritëm i lartë dhe lojë e bukur deri më tani nga të dyja ekipet.