Agjencia Zhurnal.mk
Maqedoni

Stevanoviq: Në dimër do të jetë më e vështirë ta ulim rrezikun e infektimit me Kovid-19, nëse nuk u përmbahemi masave

Shkup, 23 shtator, zhurnal.mk – Me ardhjen e dimrit do të jetë edhe më e vështirë të mbrohemi dhe të zvogëlojmë rrezikun e infektimit nga koronavirusi i ri, nëse të gjithë në mënyrë rigoroze dhe në parim nuk u përmbahemi masave të rekomanduara. Për shkak të temperaturave të ulëta ne do të mbyllemi brenda, nëse nuk u përmbahemi standardeve të larta të higjienës, përdorimit të duhur të maskës dhe të shmangim grumbullimet ku nuk mund të sigurohet distancë e duhur, rreziku i transmetimit të infeksionit do të jetë më i lartë.

Këtë e deklaroi drejtoresha e Klinikës Universitare për Sëmundje Infektive dhe Gjendje Febrile, Milena Stevanoviq në intervistën për agjencinë Marili. Ajo thekson se gjatë dimrit ka shumë infeksione të tjera të frymëmarrjes që transmetohen në të njëjtën mënyrë dhe me simptoma të ngjashme me koronavirusin e ri, kështu që do të jetë më e vështirë të diferencohen.

Prandaj, thekson Stevanoviq, përmbajuni masave të rekomanduara për parandalim të Kovid-19.

Sipas saj, të gjitha masat e marra për të zvogëluar përhapjen e epidemisë dhe për të minimizuar numrin e të sapoinfektuarve dhe të infektuarve kanë qenë thelbësore në menaxhimin me Kovid-19.

“Jo vetëm me pajisjet, por edhe me organizimin e të gjithë sistemit shëndetësor, duheshin planifikuar dhe organizuar pajisje shtesë, si spitalore ashtu edhe profesionale, megjithëse në fillim ato nuk ishin të nevojshme, por në muajt në vijim u treguan të rëndësishme për funksionimin e shëndetësisë në të gjithë vendin”, thotë mjekja Stevanoviq.

Lidhur me kapacitetet aktuale të Klinikës së Sëmundjeve Infektive në menaxhimin me Kovid-19 në lidhje me kapacitetet e përgjithshme, nëse në rast të valës së re më të fortë këtë vjeshtë, spitali mobil i vendosur brenda Klinikës do të aktivizohet dhe nëse ka staf të mjaftueshëm, Stevanoviq potencon se “nuk bëhet fjalë vetëm për kapacitetet e përgjithshme të Klinikës të cilat janë plotësuar rreth 80 për qind për momentin, por për hapësirë ​​që duhet të jetë e pastër pa Kovid-19 ku do të trajtohen pacientë me sëmundje infektive dhe nuk ka asnjë për t’u infektuar me koronavirusin e ri, ne duhet të sigurojmë hapësirë ​​të sigurt për t’u trajtuar”.

Ajo beson se në periudhën e ardhshme spitali i ri do të aktivizohet dhe do të vihet në punë për të përmbushur të gjitha nevojat hapësinore dhe me standarde të larta për trajtimin dhe kujdesin e pacientëve.

“Stafi, si shëndetësor, ashtu edhe ndihmës, është gjithmonë në numër më të vogël se sa nevojitet dhe kjo është pengesë që ne duhet ta tejkalojmë”, shton Stevanoviq.

Postime të ngjashme

Punësime në Gjevgjeli, Dellçevë dhe Berovë të maqedonasve të deklaruar si shqiptarë?

Dafina Vidishiqi

Fadil Zendeli ia then bastionin ASh-së, Gostivari radhit pas Zendelit

Dafina Vidishiqi

Azem Sadiku nga PDSH do të rikandidojë për kryetar të Komunës së Studeniçanit

R Zh

Dokumentet personale, MPB azhuron sistemin, vonesa deri të martën

Dafina Vidishiqi

Ruzhin: Makron dhe Merkel mund ta zgjedhin problemin mes RMV-së dhe Bullgarisë

R Zh

Lëvizja BESA vazhdon ristrukturimin, sonte u themeluan nëndegët e fshatit Çajlë dhe Forinë

R Zh

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...