Agjencia Zhurnal.mk
Bota

Stuhia e rrallë e borës bllokon Madridin, mbyllet aeroporti

Reshjet e mëdha të borës që i solli stuhia Filomena la mijëra vozitës spanjollë të bllokuar në vetura të premten pasi rrugët u bënë të pakalueshme dhe aeroporti i qytetit u mbyll.

Autostradat M-30 dhe M-40 afër Madridit ishin në mesin e mbi 400 rrugëve ku qarkullimi i veturave u vështirësua nga bora, bënë të ditur autoritetet. Nga qytetarët u kërkua që të shmangen udhëtimet jourgjente për shkak të stuhisë së pazakonshme.

“Dola me veturë për ta vizituar bashkëshortin në spital dhe jam bllokuar këtu që tri orë. Është një rrugëtim që do të duhej të zgjaste 15 minuta”, i tha një grua televizionit RNE nga vetura.

Meteorologët thanë se të premten mund të ketë rënë borë në trashësi prej 20 centimetrash. Kryqi i Kuq u dërgoi ushqim vozitësve të kamionave, të cilët janë bllokuar në rrugën A4 në kryqytetin spanjoll.

“Për shkak të kushteve të vështira meteorologjike, fluturimet në aeroportin Barajas të Madridit janë ndërprerë. Konsultohuni me kompaninë tuaj të fluturimeve për fluturimin tuaj”, thuhet në njoftimin e autoriteteve.

Sidoqoftë, disa njerëz e mirëpritën borën si mundësi për t’u zbavituar. Skitarët u lëshuan me skija në sheshin Puerta del Sol të Madridit, shkruan Reuters.

Lojtarët e klubit të futbollit, Real Madrid, të cilët duhej të fluturonin drejt Pamplonas për t’u ndeshur me Osasunën, u lanë duke pritur katër orë në aeroport para se fluturimi të realizohej.

Postime të ngjashme

Muzeu Kombëtar i Ndërtimit në Uashington rihapi dyert e tij pas më shumë se një viti

N E

Organizata Botërore e Shëndetësisë variantin indian të koronavirusit e klasifikon si “shqetësim global”

N E

Humbin jetën 11 persona gjatë një sulmi të armatosur në Nigeri

N E

Italia gjatë 24 orëve të fundit regjistron 5.080 raste të reja me Kovid-19

N E

Pfizer-Biontech: Nuk ka nevojë të zhvillohet një formulë e re e vaksinave

N E

Në Angli nuk është regjistruar asnjë vdekje si pasojë e Kovid-19

N E

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...