Agjencia Zhurnal.mk
Bota

Sulme raketore në luftimet e ashpra në rajonin Nagorno Karabak

Ministria e Mbrojtjes e Azerbajxhanit tha se mori “masa hakmarrëse” më 4 tetor pas asaj që ajo e përshkroi si një sulm raketash të kryer nga rajoni i shkëputur i Nagorno-Karabakut kundër qyteteve të Azerbajxhanit, Terter dhe Goradiz.

“Aktualisht, Forcat e Armatosura të Armenisë po kryejnë një sulm raketor kundër Terter dhe Goradiz, në rrethin Fizuli,” nga territori i Karabakut Nagar”, tha ministria.

Ministria nuk tha se çfarë lloj masash kishte marrë, por reporterët e AFP-së në terren raportuan se shpërthimet po tronditnin qytetin kryesor të Nago-Karabak, më 4 tetor.

Më 3 tetor, trupat azerbajxhanase pushtuan disa fshatra në luftime mbi rajonin e kontestueshëm të Nago-Karabakut, tha presidenti Ilham Aliyev.

Kryeministri armen Nikoll Pashinian, tha në një fjalim më 3 tetor se shkalla e sulmit ishte e pashembullt.

“Ne jemi duke përjetuar, ndoshta, momentin më vendimtar në historinë tonë mijëravjeçare,” tha Pashinian, duke shtuar:

“Sot, më shumë se kurrë, ne jemi të vendosur të mbrojmë identitetin tonë, atdheun tonë, të drejtën tonë.”

Forcat armene dhe azerbajxhanase kanë treguar pak gatishmëri për t’i ndaluar luftimet që kanë shpërthyer më 27 shtator.

Më shumë se 100 njerëz, përfshirë shumë civilë, janë vrarë në përleshjet e rënda.

Zyrtarisht pjesë e Azerbajxhanit, Nagorno Karabaku qeveriset nga armenët etnikë.

Dy ish-republikat sovjetike, Azerbajxhani dhe Armenia, kanë zhvilluar një luftë për territorin më 1988-1994, e cila ka lënë rreth 30,000 njerëz të vrarë.

Është e paqartë se çfarë i ka shkaktuar luftimet e fundit.

Postime të ngjashme

Investigimi/ Dosjet sekrete zbulojnë se si miliarderët amerikanë shmangin taksën mbi të ardhurat

Bekim Laçi

Stoltenberg: Rritja e Kinës sfida që duhet t’i përgjigjemi së bashku

Bekim Laçi

Netanyahu dorëzon pushtetin pa ceremoni

Bekim Laçi

Çfarë duhet të presim nga takimi Biden-Putin?

Bekim Laçi

Kina do ta kthejë provincën Zhejiang në Zonë Pilot për Begati të Përbashkët

Bekim Laçi

Britania mund të shtyjë heqjen e masave kundër koronavirusit

Bekim Laçi

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...