Sulmi në Norvegji duket se është “akt terrorizmi”

Sulmi me hark dhe shigjeta në Norvegji, i cili la pesë persona të vdekur, duket se ishte akt terrorizmi, tha Shërbimi i Sigurisë i Norvegjisë (PST).

 

Sulmi ndodhi të mërkurën në një dyqan dhe lokacione të tjera të qytetit Kongsberg.

Sulmuesi i dyshuar u identifikua si Espen Andersen Brathen, shtetas danez, 37 vjeç.

Ai akuzohet për vrasjen e katër grave dhe një burri, të moshës midis 50 dhe 70 vjeç.

Policia tha se i dyshuari, i cili është konvertuar më herët në Islam, do të dalë para gjykatës të premten.

PST veçoi të enjten aspekte të ndryshme të sulmit për të shpjeguar, siç tha, besimin e agjencisë se veprimet e të dyshuarit “duket se përbëjnë akt terrorizmi”.

“Sulmet ndaj njerëzve të rastit në vende publike janë metodë e përsëritur e islamistëve ekstremistë që kryejnë terror në Perëndim”, tha agjencia.

“Ky është një sulm i kryer nga një ose disa autorë, me lloje të thjeshta armësh, kundër caqeve me pak ose aspak masa sigurie”, thuhet në deklaratë.

PST tha se hetimet do t’i sqarojnë më në detaje motivet e incidentit.

Related posts

Biden bën thirrje për vaksinim të detyruar

D V

Nis gjyqi për korrupsion ndaj ish-udhëheqësit të krahut të djathtë të Austrisë

N E

Kaos në Afrikën e Jugut, mbi 75 viktima – edhe spitali në flakë

D V

This website uses cookies to improve your experience. We'll assume you're ok with this, but you can opt-out if you wish. Accept Read More