Vjekoslav Iliq, polici i plagosur mbrëmë nga të shtënat në afërsi të Loznicës, është në gjendje stabile dhe është i vetëdijshëm.
Ndihmës drejtori i policisë serbe, Dragan Vasileviq, tha se e ka vizituar policin e plagosur Vjekoslav Iliq dhe tregoi edhe atë që i tha polici i plagosur.
Vasileviq ka treguar për mediat serbe se Iliq ka arritur të mbushë armën dhe të qëllojë në drejtim të sulmuesit, por nuk dihet nëse ai është plagosur.
Ai tregon se nuk ka pasur të shtëna menjëherë, ndërsa shoferi dhe pasagjeri i kanë dhënë policëve dokumentet e tyre personale. Duke respektuar rregullat, efektivët e policisë kërkuan që një person të dilte – pasagjeri, ndërsa tjetri të kishte mbetur në automjet, transmeton Telegrafi.
“Pasagjeri doli nga automjeti, ai sillej normalisht në kuptimin e gjestikulimeve ishte i buzëqeshur, polici Iliq ishte në anën e majtë, në zonën e shoferit për ta mbajtur nën kontroll. Mnjëherë pas fillimit të kontrollit të personit janë dëgjuar të shtëna, ishte në pjesën e pasme të veturës”, tha Vasileviq.
Ai thekson se sulmuesi ka qëlluar disa herë në drejtim të policit Iliq dhe e ka qëlluar në shpatullën e djathtë.
“Siç thotë ai (Iliq) ishte shumë e vështirë, por ai arriti të ngre armën dhe qëlloi disa me të shtëna në drejtim të personit”, tha Vasiljeviq.
Nuk ka informacione nëse sulmuesi është plagosur. Vasliviq tregon se Iliq i ka thënë gjithashtu se sulmuesi nuk dinte ose nuk donte të fliste gjuhën serbe.
Policia serbe në vend të ngjarjes ka gjetur pasaportën e të dyshuarit të lëshuar nga institucionet e Kosovës në emër të Artan Hajrizi (1991). Është publikuar edhe fotografia e tij.