Supa me oriz dhe patate – Pjata që i ka munguar tryezës suaj

Në vetëm 3 orë ju do të keni një pjatë të ngrohtë që do t’ju rigjenerojë organizmin nga lodhja e një dite të gjatë.

 

Supa është një nga recetat më të shëndetshme të kuzhinës.

Prandaj është dhe zgjidhja perfekte për një vakt të lehtë dhe të shpejtë.

Përbërësit për katër persona

Gjysmë qepe mesatare e grirë

2 patate të mesme të prera në kubikë

200g oriz

1 litër lëng mishi

Kripë

1 lugë majdanoz i grirë

3 lugë gjelle vaj ulliri

Përgatitja e supës me oriz dhe patate

Në një tenxhere të vendosur në zjarr hidhni vajin e ullirit dhe kur të ngrohet shtoni qepën e grirë imët.

Kaurdiseni derisa ajo të ketë ulur volumin e saj, më pas shtoni patatet.

Lërini të marrin një faqe për 3-4 minuta dhe më pas shtoni lëngun e mishit.

Nëse dëshironi mund të përdorni edhe ujë pak të vakët në vend të lëngut të mishit.

Sa të marrë valë hidhni orizin dhe përzjejeni disa herë.

Lëreni të ziejë rreth 15 minuta në zjarr të ngadaltë.

Provjeni për kripë si dhe provoni orizin nëse është i butë mjaftueshëm.

Në fund hidhni majdanozin e freskët dhe shërbejeni duke e shoqëruar me bukë të ngrohtë.

Duke qenë se është një supë e bollshme dhe e plotë, është perfekte për një darkë të shëndetshme.

Por këtë recetë mund ta përdorni edhe për drekë duke e shoqëruar me sallata me perime të freskëta të stinës.

Related posts

Patate në mënyrën portugeze: Nuk keni provuar më të shijshme akoma!

D V

Tartë me pjeshka dhe boronica

D V

Tortë suedeze: Ëmbëlsira më e shijshme e bardhë që do ta provoni ndonjëherë!

D V

This website uses cookies to improve your experience. We'll assume you're ok with this, but you can opt-out if you wish. Accept Read More

WP2Social Auto Publish Powered By : XYZScripts.com