Surpriza e motit për ditën e sotme, ja çfarë pritet të ndodhë me temperaturat

Këtë të premte, vendi ynë pritet të ndikohet nga kushte atmosferike të qëndrueshme, si rezultat i masave të ajrore të nxehta, si shkak i ndikimit të Anticiklonit të Azoreve dhe rrymave ajrore të nxehta nga veriu i Afrikës.

Moti pritet të jetë i kthjellët me orë të plota me diell, por do të ketë edhe vranësira të pakta deri mesatare nga orët e mesditës e pasdites vonë në relievet kodrinore – malore kryesisht në lindje e juglindje të territorit.

Këto vranësira në relievet e larta malore do të shoqërohen me reshje shiu dhe në mënyrë tepër të izoluar do të jenë në formën e shtrëngatave.

Temperaturat parashikohen:
-Në relievet malore 14 deri në 35°C;
-Në zonat e ulta 17 deri në 39°C;
-Në zonat bregdetare 19 deri në 37°C.