Shkup, 11 korrik – Ministri i Drejtësisë Igor Filkov realizoi takim me ambasadorin e Austrisë, Martin Pamer, ku u bisedua për bashkëpunimin bilateral ndërmjet dy vendeve, projektet e përbashkëta dhe reformat e planifikuara në gjyqësor.
“Në periudhën e ardhshme pritet të fillojnë aktivitetet në sferat e dakorduara të cilët dalin nga memorandumi i nënshkruar të cilin një vit më parë e nënshkruan ministritë e të dy vendeve për forcimin e bashkëpunimit në fushën e mbrojtjes dhe zbatimit të principeve të sundimit të ligj, reforma në fushën e së drejtës civile dhe penale, reformat në luftën kundër korrupsionit, digjitalizimi në gjyqësor”, kumtoi Ministria e Drejtësisë.
Në takimin e sotëm, theksohet në kumtesë, është dakorduar që të intensifikohet bashkëpunimi me Austrinë “përvojat dhe njohuritë e së cilës do të jenë në ndihmë të madhe për vendin tonë në procesin e zbatimit të reformave dhe luftës kundër korrupsionit”.