Agjencia Zhurnal.mk
Ekonomi Maqedoni

Takim me Bjerde nga BB: Të gjitha të dhënat tregojnë se sistemi bankar është i qëndrueshëm

Shkup, 12 prill – Zhurnal.mk – Menaxhimi i kujdesshëm i rrezikut dhe korniza e duhur rregullatore, e harmonizuar me standardet më të mira ndërkombëtare, i kanë mundësuar sektorit bankar të përballet me krizën e koronës me një pozitë të fortë të kapitalit dhe likuiditetit. Kjo u konstatua në takimin me nënkryetaren e Bankës Botërore për Evropën dhe Azinë Qendrore, Ana Bjerde dhe drejtoreshën rajonale të Bankës Botërore për Ballkanin Perëndimor, Linda van Gelder, në të cilin mori pjesë guvernatorja e Bankës popullore, Anita Angelovska-Bezhoska dhe zëvendësguvernatorët, Fadil Bajrami, Emilija Nacevska dhe Ana Mitreska.

Në takimin, të mbajtur në kuadër të takimeve pranverore të FMN-së dhe Bankës Botërore, bashkëbiseduesit theksuan se qëndrueshmëria e sektorit bankar u konfirmua edhe vitin e kaluar, duke i mbajtur të gjithë treguesit në një nivel solid.

“Në të njëjtën kohë, sistemi bankar vazhdon edhe më tej të sigurojë mbështetje shtesë të kredisë, duke kontribuar në zbutjen e efekteve të pandemisë në pozicionin financiar të popullsisë dhe bilancet e sektorit të korporatave, theksojnë nga Banka popullore.

Në bisedë, ndër të tjera, u theksuan edhe parametrat për sistemin bankar që e pasqyrojnë pozicionin e tij kapitali dhe të likuiditetit. Më pas u theksua se aftësia paguese dhe likuiditeti, në fillim të krizës së koronës, ishin më të mira se ato në fillim të krizës së madhe globale në 2008 dhe 2009.

“Kjo tregon për një hapësirë ​​më të madhe për absorbimin e rreziqeve të mundshme dhe për vazhdimësinë e mbështetjes së kredisë nga bankat në këtë periudhë, që është thelbësore për ballafaqimin me sfidat, të imponuara nga kriza shëndetësore, theksojnë nga Banka popullore.

“Në takim, veçanërisht u theksua mbështetja e Bankës popullore në ballafaqimin me pandeminë, si dhe mbështetja për ekonominë tonë në rrugën drejt rimëkëmbjes së qëndrueshme përmes mobilizimit të sektorit privat dhe futjes së reformave që do të sigurojnë një rritje të qëndrueshme, të përgjithshme, informojnë nga Banka popullore

Postime të ngjashme

“KUJDES”/ Lajmi në disa media maqedonase për një incident, krisma me armë dhe për viktima në Çento, i PAVËRTETË (Fake News)!

R Zh

Vetoja bullgare mund të shkaktoj krizë politike në vend

R Zh

Zhurnal raporton / Aksident i rënd në Çento-Shkup

mobile

Akuza të tjera ndaj ish-kryeministrit maqedonas Nikolla Gruevski

R Zh

Izet Mexhiti: Urime dhe për shumë vite festa e Fitër Bajramit

R Zh

George Robertson: Bullgaria të tërheq veton kundër Maqedonisë së Veriut

R Zh

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...