Agjencia Zhurnal.mk
Maqedoni TOP LAJM

Takim Zaev-Duxhak: KB-ja e vazhdon mbështetjen për shtetin tonë

Shkup, 21 janar – Kryetari i Qeverisë, Zoran Zaev realizoi takim me Rosana Duxhak, koordinuese e përhershme e KB-së në vend, në të cilën është paralajmëruar se vazhdon mbështetja e Kombeve të Bashkuara për shtetin tonë në të gjitha fushat në favor për qytetarët dhe shtetin.

Nga pres-shërbimi qeveritar informuan se në takim është biseduar për iniciativën e KB-së, Fond për paqe, dedikuar Ballkanit Perëndimor, me ç’rast është shprehur harmonizim se vendi është shembull për stabilitet dhe dialog.

“Vëmendje iu kushtua reformave ndaj të cilave është i përkushtuar vendi në pjesën e menaxhimit me kriza dhe kontributin që mund ta japë KB-ja përmes mbështetjes teknike dhe transferimit të përvojës në drejtim që të rritet efikasiteti i sistemit të menaxhimit të krizës”, theksuan nga pres-shërbimi qeveritar.

Njëherit, është paralajmëruar mbështetja e KB-së edhe në fushën e shëndetësisë, si dhe në fushën e mjedisit jetësor dhe kulturës.

“Është konstatuar se Qeveria në nivel kombëtar tregon përcaktim ndaj aktiviteteve për mbrojtjen e rajonit të Ohrit, ndërsa kryeministri Zaev theksoi se gjetjet në draft raportin e Misionit reaktiv të UNESKO-s për gjendjen me trashëgiminë natyrore dhe kulturore në rajonin e Ohrit janë një nga prioritetet e qeverisë, theksuan nga pres-shërbimi qeveritar.

Në takim, kryeministri Zaev theksoi se vazhdon edhe me përkushtim më të madh, implementimi i i dokumentit “Korniza për bashkëpunim për zhvillim të qëndrueshëm të Kombeve të Bashkuara” për periudhën e vitit 2021-2025, që është kornizë programore strategjike për aktivitetet e KB-së në vendin tonë, vazhdon – dhe me një angazhim më të madh. Qëllimet për zhvillim të qëndrueshëm dhe Agjenda 2030 e KB-së.

“I mbështesim qëllimet zhvillimore të mijëvjeçarit dhe jemi të përkushtuar për paqen, mbrojtjen e të drejtave të njeriut, forcimin e mëtejshëm të efikasitetit dhe llogaridhënies së institucioneve”, tha kryeministri Zaev, i cili falënderoi sekretarin e përgjithshëm të KB-së dhe Kombet e Bashkuara për mbështetjen e tyre për vendin tonë, e cila është bërë anëtare e NATO-s dhe pret përparim në integrimin evropian.

Postime të ngjashme

Hospitalizohen 667 kovid-pacientë, prej tyre 256 janë në Shkup

T E

Vijon propozim-plani deri tek MASH për profilet e reja në shkollat profesionale

T E

Kop: Të mos bëhet dramë nga secila pengesë në rrugën drejt BE-së

T E

Përfundon shpallja e kandidaturave, Zaev i vetëm si lider i LSDM?

T E

Rritet numri i rasteve të reja me Covid-19, kufizime të reja nuk do të ketë

T E

ZGJEDHJET LOKALE / “ASH” Asaf Ademi apo Arben Taravari, “BDI” Nevzat Bejta kandidat për kryetar komune Gostivar ?

Bexhet Musliu

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...