Takimi koordinues i Nuredinit dhe Pendarovskit për Samitin e Klimës në Gllasgou

Shkup, 15 shtator – Veprimi klimatik dhe zhvillimi i qëndrueshëm i Republikës së Maqedonisë së Veriut ishte tema e bisedës në takimin e sotëm të ministrit të Mjedisit Jetësor dhe Planifikimit Hapësinor Naser Nuredini me Presidentin e Republikës së Maqedonisë së Veriut Stevo Pendarovski, përpara  Konferencës Klimatike # COP26 që do të  mbahet në nëntor të këtij viti.

 

Republika e Maqedonisë së Veriut, thuhet në kumtesën e MMJPH-së, u detyrua  për një angazhim serioz për klimën me Kontributin e Azhuruar Kombëtar të Përcaktuar në Marrëveshjen e Parisit, dhe kjo u konfirmua nga Strategjia e Veprimit Afatgjatë Klimatik e sapo miratuar me një plan veprimi, me propozimin e Ministrisë.

Ministri Nuredini e informoi presidentin Pendarovski për përparimin në përmbushjen e agjendës kombëtare të klimës dhe përgatitjen e Ligjit të parë për Veprimin ndaj Klimës dhe theksoi nevojën për të siguruar rolin kryesor të Ministrisë së Mjedisit Jetësor dhe Planifikimit Hapësinor në koordinimin e të gjitha masave dhe aktiviteteve për zbutjen dhe përshtatjen drejt ndryshimit të klimës, por edhe planifikimit të investimeve të qëndrueshme, nëse duam të arrijmë qëllimet e përcaktuara klimatike dhe standardet mjedisore.

Në takimin koordinues, u diskutuan të gjitha sfidat kryesore në fushën e mjedisit me të cilat përballet MMJPH dhe vendi në tërësi. Theks i veçantë u vendos në pozicionet e vendit tonë që do të prezantohen  nga Presidenti Pendarovski në Samitin e Lidershipit Klimatik në Glasgov, në kuadër të  COP26, ku do të shoqërohet nga ministri Nuredini.

Related posts

Gjorçev: Bullgaria me shkathtësi përdori Marrëveshjen e Fqinjësisë së Mirë për të bërë presion

D V

Qeveria e Maqedonisë ka shqyrtuar propozime: Përmes kamerave të incizohen administratorët kur punojnë me qytetarë

D V

Maqedonia e Veriut dhe Greqia një hap më pranë ndërtimit të interkonektorit të gazit natyror

D V

This website uses cookies to improve your experience. We'll assume you're ok with this, but you can opt-out if you wish. Accept Read More