Agjencia Zhurnal.mk
Shqipëri

“Të rihapet dosja”/ Balla: E thotë drejtësia amerikane, Shkëlzen Berisha fajtor për Gërdecin!

Sekretari i Përgjithshëm i PS, Taulant Balla deklaroi se Shkëlzen Berisha ka humbur betejën gjyqësore me drejtësinë amerikane për çështjen e Gërdecit. Në “Facebook”, ai postoi një vendim të një Gjykate Apeli në SHBA, që sipas Ballës, nxjerr fajtor djalin e ish-kryeministrit Sali Berisha.

“Drejtësia amerikane konfirmon përfshirjen dhe fajësinë e Shkëlzen Berishës dhe përmes tij të Sali Berishës në masakrën e Gërdecit. Vendimi i gjykatës amerikane është detyrues për ri-hapjen e hetimit për krimin shtetëror në Gërdec. Një Gjykatë Apeli në SHBA ka rrëzuar përsëri pretendimet e Shkëlzen Berishës duke u shprehur se faktet e përmbledhura në librin “Armët dhe Çunat” të Guy Laëson dhe ekranizimin “Qentë e Luftës”, të cilat akuzonin Shkëlzen Berishën si i përfshirë në trafik ndërkombëtar armësh.”  

Balla tha se vendimi i Gjykatës së Apelit konfirmon atë të Gjykatës së Floridas për Shkëlzen Berishën. Ai theksoi se në vendim ekzistojnë inidice që mund të çojnë në rihapjen e dosjes këtu në Shqipëri.

“Gjyqtarët amerikanë në vendimin e shpallur dje, kanë konfirmuar Vendimin e Gjykatës së Floridas, duke u shprehur se Shkëlzen Berisha nuk solli prova që rrëzojnë faktet e publikuara dhe “nuk solli argumente të bazuara përmes të cilave të mbërrinte në përfundimin e se gjykata e distriktit (Floridas) abuzoi duke mos i dhënë kohën e duhur për të sjellë provat.” Ky vendim gjykate edhe pse i karakterit civil, përmban në brendësi indiciet për ri-hapjen e hetimit ndaj Shkëlzen Berishës lidhur me përfshirjen e tij në atë tragjedi të rëndë.”

Në mars të vitit të kaluar, një gjykatë në Florida hodhi poshtë pretendimet e tij duke pushuar çështjen që Shkëlzen Berisha ka ngritur ndaj autorit amerikan Guy Laëson autor i librit për Gërdecin “Arms&the Dudes”.

Postime të ngjashme

Rama: Ilir Meta kandidat zyrtar i LSI në Vlorë

Lea Muslija

Procedimi penal i kreut të LSI në Pukë, reagon Partia: Po bënin ushtrime zgjedhore, policia e politizuar

Lea Muslija

Ndahet nga jeta kreu i Shoqatës Patriotike ‘Çamëria’, babai i aktivistit të njohur

Lea Muslija

Presidenti Meta, letër institucioneve për zgjedhjet e 25 prillit: Të shmangen fenomenet negative

S.B.

Porti i Ri Turistik i Sarandës, Rama publikon videon: Deri në fund të mandatit të tretë një tjetër nivel turizmi

S.B.

“Brenda muajit maj, 500 mijë të vaksinuar”, Manastirliu publikon videon: Ja sa gjyshe e gjyshër janë sot më të mbrojtur

S.B.

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...