Agjencia Zhurnal.mk
Bota

Të shtëna në Berlin, plagosen katër persona

Së paku katër persona janë lënduar gjatë të shtënave që ndodhën në orët e para të së shtunës në Berlin, njoftuan autoritetet gjermane.

Një zëdhënëse e policisë tha se katër persona janë dërguar në spital pas të shtënave që ndodhën në distriktin Kreuzberg, shkruan Deutsche Welle.

Një fotograf i agjencisë DPA tha se të shtënat ndodhën në Rrugën “Stresemannstrasse”, afër zyrave të partisë së qendrës së majtë, SPD apo Partia Socialdemokrate.

Raportohet se njëri prej personave të lënduar është nxjerrë nga një kanal afër vendit të ngjarjes pasi ishte futur në të në përpjekje për të shpëtuar nga sulmi.

Shërbimet emergjente fillimisht i trajtuar personat e lënduar në vendin e ngjarjes, por më pas i dërguan në spital për trajtim të mëtejmë.

Zëdhënësja e policisë tha se nuk ka shenja për motiv politik të këtij sulmi, por situata ende është shumë e paqartë. Autorët e sulmit nuk janë identifikuar ende dhe kanë ikur shpejt nga vendi i ngjarjes.

Policia e ka filluar operacionin e kërkimit të të dyshuarve. Kërkimi është realizuar përmes një helikopteri dhe përmes patrullimit të policëve përreth një stacioni të trenit.

Postime të ngjashme

Çfarë pritet pas tërmeteve që tronditën Greqinë, paralajmërimi i sizmiologut!

S.B.

Sanksionet nga SHBA, Moska paralajmëron: Do t’i befasojmë së shpejti

S.B.

Pamje: Blindohet Bagdadi, Papa Françesku pritet me nderime të larta në Irak

S.B.

Ekspertët e OBSH pritet “të copëtojnë” raportin e përkohshëm në Wuhan

S.B.

Universiteti turk: Vaksina Sinovac e Kinës 83.5% efektive

Z H

CMG-ja: Çfarë po pret bota nga “Dy Sesionet” e Kinës?

Z H

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...