Agjencia Zhurnal.mk

Tetë të vdekur nga zjarri në një port të Shteteve të Bashkuara

Së paku tetë persona kanë vdekur dhe dhjetëra barka janë djegur nga një zjarr që shpërtheu në Alabama të Shteteve të Bashkuara. Zyrtarët thanë se numri i viktimave mund të rritet.

Tommy Jones, banor në zonën ku ndodhi zjarri, tha se flakët u përhapen shpejt nga era e fuqishme. Ai tha se e ka parë një barkë duke u djegur, në të cilën ndodheshin një grua me fëmijët e vet.

Shefi i zjarrfikësve, Gene Necklaus, tha se tetë personat që më herët ishin shpallur të zhdukur janë konfirmuar si të vdekur dhe se numri i viktimave mund të rritet.

Zjarri shpërtheu disa minuta pas mesnatës, në kohën kur shumë njerëz ishin duke fjetur. Së paku 35 anije të vogla u përfshinë nga flakët.

Së paku shtatë persona u dërguan në spital për shkak të djegieve që i pësuan ose për shkak të qëndrimit në ujë të ftohtë, shkruan “The Guardian”, transmeton Gazeta Express.

Disa njerëz u detyruan të hidheshin në ujë për shkak se barkat në të cilat ndodheshin po digjeshin me shpejtësi të madhe.

Marketing 2/1

Marketing 2/2

Marketing 2/1

Marketing 2/2

Z H

Lajmet e fundit

Loading...