Agjencia Zhurnal.mk
Maqedoni

Timonie: Raporti i KE-së të konsiderohet si udhëzues, e jo si kritik

Shkup, 6 tetor – Korniza negociuese me siguri do të miratohet së shpejti dhe të gjithë shpresojmë që të mbahet konferencë ndërqeveritare. Por në momentin kur negociatat duhet të fillojnë, sundimi i ligjit do të jetë pika më e rëndësishme, thotë ambasadori francez Kristian Timonie.

Ai vlerëson se me Bullgarinë mund të gjendet zgjidhje, nëse ka vullnet nga të dy palët.

“Gjërat duhet të shihen në planin afatgjatë. Kjo është në interes të përbashkët për të dy vendet, veçanërisht në mënyrë që të arrihet rruga për në Bashkimin Evropian. Por pastaj, kemi çështjet e politikës së brendshme në të dy vendet. Nuk po e them këtë për të nënvlerësuar politikën e brendshme, por politika e brendshme ka emocione që lidhen me çështje historike, me identitetin, të cilat janë shumë të forta në të dyja palët. Prandaj do të them që e gjithë kjo nuk duhet të shfrytëzohet, të manipulohet për të shmangur çështje të tjera. Ekziston një realitet i lidhur me çështjet historike sepse historia e Ballkanit është komplekse dhe duhet të vazhdohet të diskutohet. Deri më tani, bisedimet janë zhvilluar në një frymë miqësore, me të cilën është arritur Marrëveshja e vitit 2017. Duhet të vazhdojmë në atë rrugë, dhe ne si diplomatë nuk e vërejmë se ka diçka që mund të jetë e pamundur të zgjidhet nëse gjenden formulime të përshtatshme që nuk do të ishin pengesa të pakapërcyeshme për secilën palë, veçanërisht në aspektin e mendimit publik”, tha Timonie në një intervistë për Sitel TV.

Sipas tij, duhet të punohet me shumë mirëkuptim për historinë, por edhe shkencën.

“Të gjithë duhet të jenë në gjendje të tregojnë historinë e tyre, por nga ana tjetër të mos nënvlerësojnë ndjenjat e tjetrit. Nëse ka një vullnet dhe afërsi nga të dy palët, mund të gjendet zgjidhje,” tha ambasadori.

Raporti i KE-së, tha Timonie, duhet parë si një lloj udhëzuesi, jo si një kritikë. Reformat janë të rëndësishme për të arritur një shtet më efikas, më të fortë dhe më afër qytetarëve.

Në pyetjen ku ka arritur korniza negociuese, Timonie u përgjigj se ende po bisedohet.

“Jemi duke punuar për atë temë, ka diskutime midis vendeve anëtare, gjithçka po negociohet në Bruksel, është procedurë e zakonshme. Të gjithë thonë ato që mendojnë se duhet të thonë. Sidoqoftë, është e qartë se ne me të vërtetë i japim rëndësi të madhe shtetit të së drejtës dhe ky do të jetë një aspekt shumë i rëndësishëm”, tha Timonie.

Postime të ngjashme

Prof.dr. Vetoni Latifi sjell librin e tij më të ri mbi Marrëdhëniet Ndërkombëtare

R Zh

Në kërkim të pronarëve të vërtetë të kompanive

T E

Zhurnal mëson / Anketës së Grubit dhe Osmanit e shpalosur në mbledhjen e fundit të kryesisë së BDI-së si në kohën e Enver Hoxhës, diktatorit! Pakënaqësia vazhdon…

R Zh

10 të vdekur, 333 raste të reja dhe 268 të shëruar nga Covid 19

T E

Komuna e Çairit dhe Sarajit nderuan misionarët e diferencuar politik

R Zh

ASH-AA: Politika të largojë duart nga arsimi

R Zh

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...