Agjencia Zhurnal.mk
Maqedoni TOP LAJM

Todorov: Ranë në ujë pretendimet e Mickoskit për shumicë të re parlamentare

Shkup, 4 mars – Zhurnal.mk – Ish ministri i shëndetësisë, njëherit dhe anëtar i partisë opozitare maqedonase VMRO-DPMNE, ka komentuar rreth votimit të besimit të Qeverisë dje në seancë parlamentare.

Ai shprehet se me votëbesimin e Qeverisë Zaev, partia e VMRO-së po mposhtet në mënyrë brutale për të disatën herë, dhe kështu bien në ujë të gjitha pretendimet e Mickoskit për shumicë të re parlamentare, informon Zhurnal.

Sipas Todorov, për gjitha këto humbje të VMRO-së, fajtor i vetëm është lideri i kësaj partie, Hristijan Mickoski.

Atij i vjen shumë keq që shumica parlamentare e Zaevit arriti të mbijetojë.

“Dje ishte një ditë shumë dëshpëruese për të gjithë ne për tre arsye. Së pari, Qeveria e Zaev mbijetoi. Nuk u votua mosbesim dhe ky fakt nuk guxon ta bëjë të lumtur asnjë anëtar apo simpatizues pa dallim nëse pajtohet apo jo me politikat e udhëheqësisë aktuale. Asnjëherë nuk jam gëzuar dhe asnjëherë nuk do të gëzohem për cilëndo humbje të VMRO-së, pa dallim kush e udhëeqë atë, dhe nëse personalisht pajtohem apo jo me kryetarin e partisë. Për këtë them, më vjen shumë keq që mbijetoi Qeveria e udhëhequr nga Zaev dhe LSDM”, thotë Todorov.

E dyta sipas tij, tek e gjithë anëtarësia e VMRO-së kishte shpresë se Qeveria ka përfunduar dhe se është gati shumica e re nga VMRO-DPMNE, por doli krejt e kundërta.

“Arsyeja e dytë për dëshpërim është fakti që doli në sipërfaqe gënjeshtra se ka shumicë të re parlamentare e udhëhequr nga VMRO-DPMNE. Tek të gjithë anëtarësia nxitej një shpresë e rreme nga ana e Mickoskit se Qeveria ka mbaruar, ka përfunduar, dhe se për disa ditë kjo do të jetë realitet. Për fat të keq, Zaev në mënyrë brutale, politike, e përplasi për tokë Mickoskin për të qindën herë. Është e qartë, derisa Mickoski është në krye të VMRO-DPMNE-së, Zaev do të luajë si të dojë me VMRO-në, dhe do të jetë në pushtet. Mickoski ikë, Zaevi ikë!”, thotë Todorov.

E treta arsye sipas tij, VMRO-DPMNE çdo ditë e më tepër vetëm po përçahet në rrjetet sociale, ndërsa me ikjen e Mickoskit, kjo nuk do të ndodhte.

“Bashkëpartiakët i nxjerin sytë njëri tjetrit me fjalë të ndyta dhe mendime të këqija. Përsëri arsyeja e përçarjes është Mickoski. Mickoski ikë, VMRO bashkohet! Vetëm të bashkuar mund të bëhemi një shtet modern, evropian, parti qendrore djathtiste dhe ti kthejmë 150.000 votat e humbura”, ka reaguar kështu Todorov.

Ndryshe dje kryeministri Zoran Zaev vendosi të inicojë votëbesim të Qeverisë, ndërsa Qeveria e tij mbijetoi me 62 vota PRO.//Zhurnal.mk

Postime të ngjashme

LSM-ja u bën apel deputetëve nesër ta votojnë pakon e pestë antikrizë

R Zh

A po fundoset, BDI-ja me ekzekutivin aktual në krye me Artan Grubin ?

R Zh

Liberalët ballkanik për non-pejperin: Kriza e kovidit në rajon dhe BE tokë pjellore për ide të rrezikshme nacionaliste për rishikim të kufijve

R Zh

Carovska: Me ligjin e ri për tekstet shkollore arrijmë në vendet me arsim cilësor

R Zh

IRI: Antisemitizmi ka potencial të rritet në vend dhe rajon

R Zh

Kuvendi i Maqedonisë nesër mban seancën e 32-të

R Zh

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...