Agjencia Zhurnal.mk
Bota

Trazirat shpërthejnë përsëri në Irlandën Veriore, pavarësisht thirrjeve për qetësi

Policia e Irlandës Veriore u përball me një breshëri “bomba benzine” dhe gurësh të enjten, tha një gazetar i AFP, ndërsa dhuna u ndez përsëri në Belfast, pavarësisht lutjeve për qetësi.

Sipas mediave të huaja, përcjell Telegrafi, policia e trazirave në anën republikane të qytetit të ndarë u sulmua me predha ndërsa u përpoqën të parandalonin një turmë që lëvizte drejt unionistëve pro-Mbretërisë së Bashkuar.

Kryeministri britanik Boris Johnson dhe homologu i tij irlandez Micheal Martin kishin kërkuar më parë për “qetësi” pas ditëve të dhunës që përfshinte një sulm me “bombë benzine” në një autobus në lëvizje.

Martin dhe Johnson patën disa biseda telefonike në të cilat theksuan se “dhuna është e papranueshme” dhe “bënë thirrje për qetësi”, tha zyra e udhëheqësit irlandez.

Por thirrjet e tyre nuk u morën parasysh kur ra nata në Belfast, me trazira që shpërthyen në anën republikane të kryeqytetit.

Trazirat gjatë ditëve të fundit – trazirat më të këqija të qytetit në vitet e fundit – kishin ardhur kryesisht nga komuniteti i tij unionist, duke çuar në dënim të përbashkët nga udhëheqësit politikë në provincën britanike.

Në Uashington, Shtëpia e Bardhë gjithashtu shprehu shqetësim mbi dhunën dhe kërkoi qetësi.

Postime të ngjashme

Gjermania tërheq një togë nga misioni i NATO-s në Lituani

Dafina Vidishiqi

Dhjetëra policë gjermanë plagosen pas një beteje të ashpër me disa qytetarë

Dafina Vidishiqi

Erdogan do të pësonte humbje, do të fitonte opozita e bashkuar – nëse zgjedhjet do të mbaheshin të dielën

Dafina Vidishiqi

Putin dakordohet me Biden për rifillimin e bisedimeve mbi kontrollin e armëve

Dafina Vidishiqi

Biden flet pas takimit me Putinin: Unë bëra atë që erdha të bëj

Dafina Vidishiqi

Borrell: Qeveria ruse dëshiron të destabilizojë Bashkimin Evropian dhe anëtarët e tij

Dafina Vidishiqi

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...