Agjencia Zhurnal.mk
Bota

Tre gjeneralë dorëhiqen pas shkarkimit të ministrit të mbrojtjes nga Bolsonaro në Brazil

Administrata e presidentit brazilian Jair Bolsonaro është tronditur së fundmi nga shkarkimi i papritur i ministrit të mbrojtjes dhe dorëheqjet e mëpasshme të tre gjeneralëve të lartë të ushtrisë.

Komandantët e ushtrisë, marinës dhe forcave ajrore të Brazilit raportohet se kanë dhënë dorëheqjen sot pas një takimi të tensionuar me ministrin e ri.

Ministria e mbrojtjes tha sot se drejtuesit e dorëhequr tre degëve kryesore të ushtrisë, Gjen. Edson Leal Pujol, Admiral Ilques Barbosa dhe lejtnant-Brig Antônio Carlos Bermudez, do të zëvendësohen, në atë që mediat quanin tërmet politik, në një kohë kur vendi përballet me pandeminë e koronavirusit.

E përditshmja Folha de São Paulo, shkruante se kjo nuk kishte ndodhur kurrë në historinë e vendit prej mosmarrëveshjeve me presidentin.

Zhvillimi erdhi pasi presidenti i djathtë shkarkoi dje ministrin e mbrojtjes gjeneral Fernando Azevedo e Silva gjatë atij që mediat vendase përshkruanin si një “takim i akullt tre-minutësh”.

Gazetarja vendase Eliane Cantanhêde shkruante se Azevedo e Silva i kishte bërë të qartë presidentit se “forcat e armatosura ishin besnike ndaj kushtetutës”  dhe jo forca personale e Bolsonaros.

Cantanhêde shkruante mes të tjerash: “Largimi i gjeneral Fernando tregon se ka një pjesë të madhe të forcave të armatosura që nuk pranojnë autoritarizmin”.

Herën e fundit që një drejtues ushtrie është shkarkuar në rrethana të tilla ishte në vitin 1977 kur gjenerali radikal Sílvio Frota u shkarkua pas tentativës për largimin nga posti të presidentit Ernesto Geisel, lideri ushtarak që qeverisi në vend nga 1964 deri 1985.

Postime të ngjashme

Palestinezët anulojnë marrëveshjen me Izraelin për vaksinat, thonë se janë shumë afër datës së skadimit

Dafina Vidishiqi

Macron: Vizitori i parë i kancelares në Berlin

Dafina Vidishiqi

BE humb betejën ligjore ndaj kompanisë AstraZeneca për furnizimin me vaksina

Dafina Vidishiqi

Udhëtarët nga Mbretëria e Bashkuar do të duhet të hyjnë në karantinë me të mbërritur në Itali

Dafina Vidishiqi

Guterres riemërohet Sekretar i Përgjithshëm i OKB-së

Dafina Vidishiqi

Minatorët gjejnë diamant në Botsvana, mund të jetë i treti më i madh në botë

Dafina Vidishiqi

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...