Agjencia Zhurnal.mk
Bota

Turqia dënon sulmin e Armenisë në Nakhchivan

Turqia sot dënoi ashpër sulmin e forcave armene ndaj Republikës Autonome Nakhchivan të Azerbajxhanit, transmeton Anadolu Agency (AA).

“Ne dënojmë fuqishëm sulmin me raketa që forcat e armatosura të Armenisë e lançuan nga rajoni i pushtuar Gubadli në rajonin Ordubad të Republikës Autonome Nakhchivan”, thuhet në një kumtesë të Ministrisë së Punëve të Jashtme (MPJ) të Turqisë.

“Shihet se Armenia po bëhet më agresive dita ditës për shkak të humbjeve që ka pësuar në territoret e okupuara”, thuhet gjithashtu në kumtesë.

Deklarata vuri në dukje se sulmi ndaj Republikës Autonome Nakhchivan të Azerbajxhanit, e cila gjithashtu kufizohet me Turqinë, është “shembulli i ri dhe i rrezikshëm” i përpjekjeve të Armenisë për të përhapur përleshje nga vendet e Azerbajxhanit që i ka nën pushtimin e saj.

“Armenia duhet të heqë dorë nga këto provokime të rrezikshme”, theksojnë nga MPJ-ja turke.

Nga ministria gjithashtu thonë se Armenia kryen një krim lufte duke sulmuar civilë dhe shkel armëpushimin humanitar dhe “tani ajo përpiqet ta çojë konfliktin në dimensione të tjera”.

“Armenia duhet të vlerësojë mirë pasojat e veprimeve të saja agresive”, thuhet në deklaratë.

Nga MPJ-ja turke gjithashtu ritheksojnë “solidaritetin e plotë” me Azerbajxhanin dhe popullin e tij.

Sipas Ministrisë së Mbrojtjes të Azerbajxhanit, banorët dhe objektet civile nuk u prekën nga sulmi në Ordubad.

Konflikti në Malësinë e Karabakut

Përleshjet e reja shpërthyen më 27 shtator dhe që nga ajo kohë Armenia ka vazhduar sulmet ndaj civilëve dhe forcave azerbajxhanase.

Zyra e Kryeprokurorit të Azerbajxhanit njoftoi sot se 47 civilë kanë humbur jetën dhe 222 civilë janë plagosur në sulmet e Armenisë.

Marrëdhëniet midis dy ish-republikave sovjetike janë tensionuar që nga viti 1991 kur ushtria armene pushtoi Malësinë e Karabakut, një territor i njohur ndërkombëtarisht i Azerbajxhanit.

Postime të ngjashme

Hungaria mbyllet sërish

T E

Reagime mbi vendimin për të hetuar krimet në territoret palestineze

T E

Tërmet i ri, edhe më i fortë në Zelandën e Re, me magnitudë prej 7,4 ballë

T E

Sulmi terrorist në Suedi, ja çfarë deklaroi policia: Agresori një 20 vjeçar nga Afganistani

S.B.

Pavarësisht vrasjeve, në Mianmar vazhdojnë protestat

S.B.

Sa % e zviceranëve kanë antitrupa

S.B.

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...