Agjencia Zhurnal.mk
Shqipëri

Turqia fton Greqinë për bisedime në Tiranë. Cavusoglu: Do jem në Tiranë. Gati të takohem me Dendias. Rol të rëndësishëm pati kryeministri shqiptar Edi Rama

Rikthimi i Athinës dhe Ankarasë në bisedime, pas disa vitesh ndërprerje, do të ndodhë në janar e madje në Tiranë.

Ministri i jashtëm turk, Mevlut Cavusoglu, i bëri Greqisë një ofertë zyrtare për të rifilluar bisedimet mbi pretendimet e tyre në mesdhe. Kjo u bë e ditur nga ministri I jashtëm turk në një konferencë për shtyp.
CAVUSOGLU, tha se kur qeveria Tsipras erdhi në pushtet në 2016, nuk donte të vazhdonte bisedimet. Pas zhvillimeve në Mesdheun Lindor, bisedimet u rikthyen në axhendë. Në një bisedë në telefon, gjatë periudhës së izolimit, ne thamë se jemi gati për bisedime paraprake. Greqia tha se ajo mund të fillonte negociatat rreth 11 janarit. Ndaj sot, ne ftojmë Greqinë që ta zhvillojmë takimin e parë në janar. Ne jemi vendi pritës.
Miq tanët janë angazhuar në negociata. Por ne jemi gati që sot. Pas këtij takimi të parë, unë do të shkoj në Tiranë, me ftesë të Edi Ramës dhe jam gati të takohem me ministrin e jashtëm grek Dendias. Shpresoj që Greqia do të mos e refuzojë këtë dhe bisedimet të rifillojnë brenda këtij muaji.

Ishte përfolur në fakt edhe më herët që kryeministri Edi Rama, pas ndalesave të përsëritura nga ankaraja në athinë, po luante rolin e ndërmjetësit mes dy vendeve, por nuk pati asnjëherë një konfirmim zyrtar. Ministri i Jashtëm turk e konformoi këtë. Ankaraja dhe Athina, të dyja anëtare të NATO-s, nuk janë në një mendje për sa i takon shtrirjes së shelfit të tyre kontinental në mesdhe dhe cështje të tjera detare. Të dyja vendet kanë zhvilluar rreth 60 raunde bisedimesh, deri në 2016, kur ato u ndërprenë. Tensionet u ndezën vitin e shkuar kur ankaraja nisi një anije eksploruese në ujërat që pretendohen edhe nga greqia, pavarësisht se tani anija është kthyer në portet turke. Duke folur përkrah homologut të tij turko=qipriot, Tahsin Erugruloglu, në ankara, Cavusoglu tha se greqia kishte lënë të kuptohej më herët se do të rikthehej në bisedime më 11 janar, por nuk ishte ndërmarrë asnjë hap në këtë drejtim. Ai shtoi se Athina nuk kishte asnjë justifikim tani për të mos u kthyer në bisedime.

Postime të ngjashme

Spitali i mori zemrën të riut shqiptar pas vdekjes/ Gjonaj bisedë me homologun spanjoll: Shikoni me prioritet letërporosinë e prokurorisë

S.B.

Presidenti Meta kthen ligjin, që zgjat afatin e koncesionit të aeroportit të Rinasit: Antikushtetues!

S.B.

Marrëveshja e Bashës me aleatët / Detaje nga dokumenti i dorëzimit në KQZ

S.B.

Presidenti Meta viziton familjen e Klodian Rashës

S.B.

Seanca më 2 mars/ Hidhet shorti në Apelin e GJKKO për gjykimin e Enkelejda Hoxhës, Edvin Priftit dhe 11 personave të tjerë

S.B.

Lëkundje tërmeti në orët e para të mëngjesit në Durrës, ja ku ishte epiqendra

S.B.

This website uses cookies to improve your experience. We'll assume you're ok with this, but you can opt-out if you wish. Accept Read more...