Agjencia Zhurnal.mk
Teknologji

U kushtoi shtrenjtë azhurnimi i kushteve: WhatsApp humbi miliona përdorues për shkak të kushteve të reja

Për shkak të një azhurnimi shumë të dobët të kushteve të përdorimit, miliona përdorues të WhatsApp e kanë lënë atë platformë dhe kanë kaluar në alternativa si Signal dhe Telegram.

Braktisja e platformës ishte aq e madhe sa WhatsApp u desh të shtynte zbatimin e kushteve të reja, të cilat ishin planifikuar për 8 shkurt, për 15 maj, në mënyrë që t’u shpjegonte përdoruesve ndryshimet që po bëhen, shkruan The Guardian.

Gjatë tre javëve të para të janarit, platforma e mesazheve Signal fitoi 7.5 milionë përdorues të rinj në të gjithë botën dhe Telegram 25, ndërsa WhatsApp ra nga vendi i tetë në vendin e 12-të më të shkarkuar në Mbretërinë e Bashkuar në 12 janar, transmeton Telegrafi.

Nga ana tjetër, Signal më 6 janar nuk ishte as midis 1000 aplikacioneve të para më të shkarkuara, dhe më 9 janar arriti vendin e 1-rë.

Drejtori i Politikave Publike të WhatsApp për Evropën, Lindjen e Mesme dhe Afrikën Niam Sweeney i tha Komitetit të Punëve të Brendshme se beson se eksodi lidhet me azhurnimin e kushteve të shërbimit të kompanisë.

Siç shpjegoi, azhurnimi supozohej të mundësonte një grup të ri mjetesh rreth mesazheve të biznesit dhe të siguronte transparencë më të madhe rreth politikave ekzistuese të privatësisë.

“Ne duam ta bëjmë të qartë se azhurnimi nuk do të ndikojë në privatësinë e mesazheve me miqtë dhe familjen në asnjë mënyrë”, tha WhatsApp.

Postime të ngjashme

Krijuesi i McAfee ndalohet në Spanjë, mund të ekstradohet në SHBA

S.B.

20 mijë organizata amerikane në cak të hakerëve kinezë

S.B.

Ashtu si nga “Mad Max”, skena që përshkruan kohën e sotme

S.B.

Studimi tregon për të metat në Alexa që mund të zbulojnë informacione të rëndësishme

S.B.

Kritikohet Facebooku se ndihmoi shitjen e zonave të mbrojtura në Amazonë

S.B.

AMD lëshon kartën e re grafike RX 6700 XT për të luajtur në 1440p

S.B.

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...