Agjencia Zhurnal.mk
Maqedoni

U miratua propozim vendimi për përbërjen e komisioneve kuvendore

Zhurnal Ads

Shkup, 11 shtator – Zhurnal.mk – Komisioni kuvendor për çështje të zgjedhjeve dhe emërimeve sot e miratoi Propozim-vendimin për zgjedhjen e kryetarëve, zëvendëskryetarëve, anëtarëve dhe zëvendësve të tyre të komisioneve në Kuvendin e Republikës së Maqedonisë së Veriut.

Për miratimin e vendimit votuan edhe deputetët e opozitës, të cilët paraprakisht patën vërejtje se Komisioni nuk mund të japë propozime për përbërje personale të komisioneve të tjera kuvendore sepse, siç theksuan, Kuvendi paraprakisht në seancë parlamentare nuk ka marrë vendim për krijimin e tyre dhe definimin e kompetencave. Për shkak të kësaj vërejtjeje u kërkua pauzë njëorëshe pas së cilës Komisioni vazhdoi me punë dhe e miratoi vendimin.

Deputeti Nikolla Miceski nga VMRO-DPMNE theksoi se nuk ka votuar për konfrimimin e rendit të ditës të seancës para pauzës për shkak të kësas se është shkelur Rregullorja për punë, por potencoi se është arritur konsensus për përbërjen e të gjitha komisioneve kuvendore midis të gjitha grupeve të deputetëve në Kuvend.

Paraprakisht sot në brifing me gazetarët kryetari i Kuvendit Talat Xhaferi paralajmëroi se për të hënën pasdite do të caktojë seancë në të cilën në renddite do të jetë zgjedhja e përbërjes të trupave të punës së Parlamentit, ndërsa pastaj verifikimi i mandatit të një deputeti në vendin e ministres së Punës dhe Politikës Sociale Jagoda Shahpanskës.

Xhaferi në brifingun me gazetarët tha se në këtë seancë nuk ka mundësi për pika të tjera t rendit të ditës sepse materialet duhet të kalojnë në komisione.

Në këtë seancë Komisioni mori vendime për realizim të pagës pas ndërprerjes së funksionit deputet në Kuvendin e Republikës së Maqedonisë, për 44 ish deputetë, si dhe vendime për realizimin e pagës pas ndërprerjes së funksionit anëtar i Qeverisë së Republikës së Maqedonisë së Veriut dhe të zgjedhurve të tjerë/persona të emëruar nga Kuvendi i Republikës së Maqedonisë së Veriut dhe për një realizim të pagës gjatë daljes në pension.

Zhurnal Ads
Zhurnal Ads

Postime të ngjashme

Rast social/Jeton e vetme në një dhomë konvikti në Tetovë, Zana kërkon ndihmë

T E

Për shkak të Covid-19 “Sfida e re për të rinjtë në RMV, OWLYPIA-The Intellectuals’ Challenge 2020”, raundi lokal do të zhvillohet më 28-29 nëntor

E.E.

E premte, 23 tetor, ditë jopune për gjithë qytetarët

E.E.

Asnjë deputet apo anëtar i shërbimeve parlamentare nuk do të shkojë në izolim për shkak të kontaktit me Petrovskën

E.E.

733 gjoba për mosmbajtjën e maskës

T E

Myftinia e Gostivarit shënon lindjen e Muhammedit A.S

T E
duke ngarkuar....

This website uses cookies to improve your experience. We'll assume you're ok with this, but you can opt-out if you wish. Accept Read more...