Agjencia Zhurnal.mk
Bota

Udhëheqësit e BE-së përplasen për shkak të vetos së Hungarisë dhe Polonisë për buxhetin

Hungaria dhe Polonia vunë veton kundër buxhetit të BE-së. Tani Angela Merkel përpiqet të gjejë një zgjidhje.

Në mosmarrëveshjen mbi bllokimin e buxhetit të BE-së dhe fondit të ndihmës për koronën nga Hungaria dhe Polonia, nuk duket ndonjë zgjidhje e shpejtë në horizont. Krerët e shteteve dhe qeverive të BE u morën vetëm shkurtimisht me këtë çështje gjatë një videokonference.

Kancelarja Angela Merkel tha se kemi të bëjmë me një “problem shumë serioz” dhe se si kryesuese e radhës e BE-së do të vazhdojë bisedimet për të gjetur një zgjidhjeje me Budapestin dhe Varshavën.

Nga buxheti dhe ndihmat varet puna e shumë vetëve

Nënpresidenti i Komisionit Evropian, Frans Timmermans tha se është në interesin e të gjithëve që të gjejmë shpejt një zgjidhje, sepse prej saj varet rimëkëmbja jonë ekonomike dhe puna e shumë vetëve. “E gjithë ajo që u kërkohet vendeve anëtare është të respektojnë traktatet që ata kanë nënshkruar dhe ratifikuar. Kjo është gjithçka.” – tha Timmermans.

Edhe Presidentja e Bankës Qendrore Evropiane (BQE), Christine Lagarde, bëri thirrje që paketa e ndihmës prej 750 miliardë eurosh për koronën të hyjë në fuqi pa vonesë, sepse u mundëson vendeve që kanë pak hapësirë buxhetore që të mbështesin ekonominë në pandemi.

Pak të reja rreth coronës

Presidenti i Këshillit të BE Charles Michel kishte shkruar në Twitter se takimi do t’i kushtohej kryesisht koordinimit të përpjekjeve për të luftuar virusin korona duke u përqëndruar në njohjen reciproke të testeve të koronës, përgatitjet për vaksinimet dhe një qasje të përbashkët për heqjen e kufizimeve të vendosura për shkak të koronës.

Asgjë të re nga negociatat për Brexitin

Një çështje tjetër që diskutuan krerët e shteteve dhe qeverive ishte statusi i negociatave për Brexitin. Në mediat britanike kanë qarkulluar ditët e fundit thashethemet se marrëveshja tregtare me Britaninë e Madhe gjendet para nënshkrimit. Por diplomatët e BE-së i shuan shpresa të tilla me fjalët “nuk ka asgjë për të ushqyer këtë optimizëm.” /DW/

Postime të ngjashme

Putin nënshkruan ligjin që mbron të dhënat e zyrtarëve të sigurisë

Dafina Vidishiqi

30 mijë fëmijë rrezikojnë të vdesin nga uria në Tigray të Etiopisë

Dafina Vidishiqi

Mbretëresha i bëri të qeshnin udhëheqësit e G7: A duhet të dukeshit sikur po kënaqeni gjatë pozimit?

Dafina Vidishiqi

Putin: Marrëdhëniet me SHBA-në në nivel më të keq në vitet e fundit

Dafina Vidishiqi

G7-ta sot pritet ta hartojë planin global anti- COVID

Dafina Vidishiqi

Kanadezët marshojnë kundër islamofobisë

Dafina Vidishiqi

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...