Agjencia Zhurnal.mk.

Ulet numri i vdekjeve ditore nga Kovid-19 në Indi

Numri i vdekjeve ditore nga koronavirus në Indi ka rënë nën 600 dhe vendi regjistroi 34.703 raste në 24 orët e fundit, që është shifra më e ulët në 111 ditë.

Ministria e Shëndetësisë së Indisë njoftoi se me 553 të vdekur, numri i përgjithshëm i viktimave qëndron në 403.281, ndërsa numri i përgjithshëm i rasteve ka arritur në 30,6 milionë.

Nga ministria gjithashtu thonë se numri i rasteve aktive është 464.357, duke shtuar se 51.864 pacientë u shëruan gjatë 24 orëve të fundit.

Në Indi është regjistruar një rënie në numrin e rasteve dhe vdekjeve pas valës së dytë shkatërruese të pandemisë në muajin maj. Gjatë valës së dytë, numri i rasteve ditore tejkalonte 400 mijë, ndërsa numri i vdekjeve 4.500.

India ka administruar deri më tani mbi 350 milionë doza vaksinash, ndërsa ministri i Shëndetësisë, Harsh Vardhan, tha se qeveria është e vendosur të vaksinojë të gjithë popullsinë e rritur deri në dhjetor të vitit 2021.

Aktualisht, katër vaksina janë aprovuar nga autoritetet për përdorim në vend.

India ka numrin e dytë më të lartë të rasteve të koronavirusit në botë pas SHBA-së. Vendi qëndron i treti pas SHBA-së dhe Brazilit për sa i përket vdekjeve.

Related posts

Autoriteti Palestinez e formon kabinetin e ri

Xh M

Lula: Negociatat aktuale të marrëveshjes BE-Mercosur duken më premtuese se më parë

Xh M

Qeveria Mitsotakis i mbijeton mocionit të mosbesimit në parlament, 158 deputetë votuan kundër

Xh M

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy