Agjencia Zhurnal.mk
Maqedoni TOP LAJM

Ulet numri rasteve të reja me Covid-19, mbeten apelet për respektim të masave

Shkup, 28 dhjetor, zhurnal.mk – Ditëve të fundit, po zvogëlohet ngadalë numri i rasteve të diagnostikuara të reja pozitive me koronavirus, si dhe numri i njerëzve që marrin trajtim spitalor. Regjistrohet edhe një numër i madh i personave të shëruar, shpesh më shumë se numri i të infektuarve të rinj. Sidoqoftë, përkundër kësaj tendence të qetësimit të lehtë pandeminë, pothuajse njëzet vdekje regjistrohen çdo ditë. Autoritetet vazhdimisht bëjnë thirrje për respektimin e masave dhe rekomandimeve mbrojtëse, veçanërisht në pritje të festave të ardhshme të Vitit të Ri dhe të Krishtlindjeve. Intensifikohen apelet për kremtim me ndërgjegje, pa grupime të mëdha dhe duke mos e rrezikuar shëndetin publik.

Ministri i Punëve të Brendshme, Oliver Spasovski deklaroi sot se MPB-ja ka një plan të veçantë operativ se si të veprojë gjatë pushimeve, që do të thotë se do të ketë policë kudo dhe në çdo kohë që do të kontrollojnë nëse respektohen dhe nëse dikush kontribuon në prishjen e gjendjes me përhapjen e virusit. Ai tha se policia do të veprojë sipas raportit ose informacionit që ata do ta marrin.

“Nëse vërtetohet se një ngjarje e organizuar po ndodh vërtet, Prokurori publik njoftohet dhe ne veprojmë në përputhje me ligjin”, shpjegoi Spasovski.

Ministri i Punëve të Brendshëm informoi se policia ka prishur disa ahengje këto ditë.

“Do të veprojmë me përgjegjësi dhe përkushtim për prag të Vitit të Ri dhe u bëri thirrje qytetarëve që të festojnë me përgjegjësi. Së bashku ne duhet të kontribuojmë në parandalimin e përhapjes së virusit”, tha Spasovski.

Spasovski edhe një herë tha se gjatë pushimeve të gjithë duhet të jemi përgjegjës.

“Kushdo që nuk do t’i respektojë masat, pavarësisht nëse është pronar i një vile me qira apo një qytetar që merr pjesë në ngjarje të tilla, do të akuzohet për përgjegjësi penale, sepse ata rrezikojnë jetën dhe shëndetin e qytetarëve”, nënvizoi ai.

Ministri i Punëve të Brendshëm informoi se policia ka prishur disa ahengje këto ditë.

“Të shtunën ishte një aheng në Vollkovë, gjatë së cilës u arrestuan 29 persona. Një ngjarje e njëjtë ndodhi edhe në Kumanovë, ku u prish një festë familjare. Pra, ne do të veprojmë me përgjegjësi dhe përkushtim për prag të Vitit të Ri. Edhe një herë u bëj thirrje qytetarëve që të festojnë me përgjegjësi. Së bashku ne duhet të kontribuojmë në parandalimin e përhapjes së virusit”, tha Spasovski, duke shtuar se ka tendencë për të zvogëluar numrin e infeksioneve të reja.

Ministria e Shëndetësisë informon se në 24 orët e fundit janë bërë 1253 teste, ndërsa janë regjistruar 296 raste të reja me Kovid-19. Kanë vdekur 18 persona, ndërsa janë shëruar 511 pacientë.

Numri i përgjithshëm i pacientëve pozitivë dhe të dyshuar për koronavirusin që trajtohen në repartet infektive në kryeqytet dhe në spitalet në të gjithë vendin është 1036 dhe ka rreth 320 shtretër spitalor.

Në qendrat kovid ka rreth 320 shtretër spitalor.

Numri i përgjithshëm i të diagnostikuarve me kovid në vend që nga fillimi i epidemisë është 81721, numri i pacientëve të shëruar është 59231, numri i viktimave është 2445, ndërsa numri i rasteve aktive është 20045.

Postime të ngjashme

Përfundoi debati i përgjithshëm rreth propozim ligjit për plotësimin e Ligjit për financimin e njësive të pushtetit lokal

R Zh

Vestager: Të respektohen rregullat e BE-së në planet kombëtare të rimëkëmbjes

T E

Lefkov: Për lëshimet e platformës së regjistrimit nuk është fajtor populli

T E

Qeveria e miratoi Protokollin shëndetësor për zbatimin e regjistrimit

T E

Analistët për Zhurnal: Problemi me bullgarët do të jetë më shumë serioz se ai grek

Z H

Qeveria miraton Propozim ligjin për shpallje të malit Sharr si Park Kombëtar

T E

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...