Ulja e turizmit për shkak të pandemisë mund t’i kushtojë ekonomive botërore 4.000 miliard dollarë

Rënia e turizmit në të gjithë botën për shkak të pandemisë me Kovid-19 mund të çojë deri në humbje prej mbi 4,000 miliardë dollarëve në BPV-në botërore për vitin 2020 dhe 2021, tregon raporti i Konferencës së KB-së për Tregti dhe zhvillim (UNKTAD).

“Në nivel global, goditja që Kovid-19 i ka dhënë turizmit ndërkombëtar vetëm në 2020 dhe 2021 do të rezultojë në një humbje të BPV-së prej mbi 4,000 miliardë dollarë”, theksohet në raportin e paraqitur së bashku me Organizatën Botërore të Turizmit të KB-së (UNVTO).

Turizmi ndërkombëtar dhe sektorët e tij të varur pësuan humbje prej rreth 2,400 dollarë amerikanë në vitin 2020 si rezultat i ndikimeve direkte dhe indirekte në rënien e madhe të mbërritjeve turistike ndërkombëtare.

Humbje të ngjashme mund të shihet edhe këtë vit, paralajmërohet në raport, duke theksuar se rifillimi i turizmit do të varej kryesisht nga shpërndarja masive e vaksinave Kovid-19 në të gjithë botën.

“Bota ka nevojë për një përpjekje globale të vaksinimit që do të mbrojë punëtorët, zbutë sëmundjet shoqërore dhe do të marrë vendime strategjike për turizmin duke pasur parasysh ndryshimet e mundshme strukturore”, tha u.d. I sekretarit të përgjithshëm të UNKTAD Izabel Diran.

Shkalla e vaksinimit është e pabarabartë, me më pak se një përqind të popullsisë të vaksinuar në disa vende dhe më shumë se 60 përqind në të tjera, ndërsa raporti gjithashtu thekson se humbjet e turizmit janë më të larta në vendet në zhvillim.

UNKTAD prezanton edhe tre skenarë për vitin 2021, pak a shumë pesimistë. Skenari më optimist tregon një ulje mesatare prej 63 për qind të mbërritjeve turistike.

Ekspertët nuk presin që sektori të kthehet në gjendje normale para vitit 2023 ose ndoshta më vonë, dhe pengesat kryesore janë kufizimet e udhëtimit, çrrënjosja e ngadaltë e koronavirusit, besimi i ulët i pasagjerëve dhe një mjedis i pafavorshëm ekonomik.

Në vitin 2020, numri i mbërritjeve turistike u ul me 74 përqind në krahasim me 2019 dhe fillimi i vitit 2021 ishte edhe më i keq për shumicën e destinacioneve me një rënie mesatare prej 88 përqind krahasuar me periudhën para pandemisë.

Më të prekurit janë Azia Verilindore, Azia Juglindore, Oqeania, Afrika Veriore dhe Azia Jugore. Më pak të prekurit janë Amerika e Veriut, Evropa Perëndimore dhe Karaibet.

Related posts

Biden zotohet se do t’i mbrojë të drejtat e abortit

D V

Zhejiang do të ndërtojë parqe ishujsh detarë

Z H

Rusia ndalon hyrjen e 9 zyrtarëve kanadezëve si përgjigje ndaj sanksioneve

Redaksia

This website uses cookies to improve your experience. We'll assume you're ok with this, but you can opt-out if you wish. Accept Read More