Ushtria meksikane hap zjarr ndaj emigrantëve, raportohen viktima

Ushtarët meksikanë vranë 6 emigrantë të paligshëm pasi hapën zjarr ndaj një kamioni që refuzoi urdhrin për të ndaluar dhe tentoi t’ju shmangej ushtarakëve.

Sipas një deklarate të Ministrisë së Mbrojtjes, 10 emigrantë të tjerë mbetën të plagosur në këtë incident, ndërkohë që pjesa tjetër shpëtoi pa u lënduar.

Emigrantët ishin nga Egjipti, Nepali, Kuba, India dhe Pakistani.

Ministria tha se incidenti ndodhi pranë qytetit Huixtla, rreth 40 kilometra nga Tapachula, pranë kufirit me Guatemalën.

Tapachula, është një pikë hyrjeje në Meksikë për shumë emigrantë që synojnë të mbërrijnë në Shtetet e Bashkuara, shumë prej të cilëve ikin nga dhuna dhe varfëria. VOA.