UT telegram ngushëllimi për ndarjen nga jeta të Haxhi Bahri Ganiut

Tetovë, 19 gusht – Rektori i Universitetit të Tetovës, Vullnet Ameti ka dërguar telegram ngushëllimi për vdekjen e Haxhi Bahri Ganiut, një veprimtar dhe arsimdashës i vendit tonë.

 

Rektori Ameti dhe gjithë stafi i profesorëve dhe studentëve në UT i janë mirnjohës kontributit të tij shumë vjeçar.

“Vepra e tij le të na shërbejë si frymëzim në rrugëtimin tonë të ardhshëm, neve dhe gjeneratave që vinë pas nesh”, shprehet Ameti.

“Me pikëllim të thellë e mora lajmin e hidhur për ndarjen nga jeta të Haxhi Bahri Ganiut, të veprimtarit dhe të arsimdashësit tonë të njohur.

E kam shumë të vështirë të pajtohem me faktin se po u drejtohem me telegram ngushëllimi për një patriot të rrallë, i cili në vitin 1994, i hapi dyert e shtëpisë së tij për Prof. Dr. Fadil Sulejmanin dhe bashkëpunëtorët e tij për ta nënshkruar Aktin e themelimit të Universitetit të Tetovës. Haxhi Bahri Ganiu, ishte nga ata burra vizionarë e largpamës që ideal parësor e kishin kauzën tonë kombëtare.

Të gjithë ne në Universitetin e Tetovës, studentët e të gjitha gjeneratave, profesorët dhe të gjithë drejtuesit ndër vite, i jemi mirënjohës për kontributin e veçantë, ndihmën dhe përkrahjen për Universitetin e Tetovës dhe arsimin sipëror në gjuhën shqipe.

Vepra e tij le të na shërbejë si frymëzim në rrugëtimin tonë të ardhshëm, neve dhe gjeneratave që vinë pas nesh”.

Ngushëllimet më të ndjera familjes së nderuar Ganiu, miqve dhe mbarë opinionit publik.
U prehtë në paqe!
Lavdi veprës së Tij!
Rektori Prof. Dr. Vullnet Ameti

Related posts

Djegia e spitalit modular në Tetovë, Thaçi paralajmëron fakte: Është krim!

Redaksia

Shahpaska apelon që deputetët ta miratojnë vendimin ligjor që dita e diel të jetë ditë jo pune

D V

ASH: Dorëheqjet e vonuara, janë tentim për t’i ikur përgjegjësisë

D V

This website uses cookies to improve your experience. We'll assume you're ok with this, but you can opt-out if you wish. Accept Read More