Agjencia Zhurnal.mk
Maqedoni

Vaksinimi anti-Covid fillon të mërkurën

Shkup, 15 shkurt – Vaksinimi kundër Kovid-19 në shtet do të fillojë të mërkurën (17 shkurt). Të parët që do të vaksinohen janë punonjësit shëndetësor në spitalin modular në Qendrën Klinike “Nëna Terezë” në Shkup, informon Zhurnal.mk

Në vendin tonë dje arriti dërgesa e parë prej 4.680 vaksinave nga 8.000  të parashikuara kundër Kovid-19 të kompanisë “Fajzer” të cilat janë donacion nga Serbia.

Vaksinat  në vendkalimin kufitar Tabanocë kryeministrit Zoran Zaev ia dorëzoi presidenti serb Aleksandar Vuçiq.

Pas pranimdorëzimit të vaksinave ministri i Shëndetësisë Venko Filipçe theksoi se  sot do të përfundojë  procedura e rregullt në Agjencinë për ilaçe.

“Vaksinat janë vendosur në frigoriferët e Institutit për Transfuziologji. Vaksinat  janë zhvilluar  në platforma të sigurta dhe me to do ta parandalojmë përhapjen e Kovid-19. Sistemi shëndetësor i Maqedonisë tërësisht është i gatshëm për imunizim të popullatës, informuan nga Ministria e Shëndetësisë.

Nga mesi i muajit priten edhe 200 mijë vaksina nga kompania kineze “Sinofarm”. Në vend duhet të arrijnë  edhe doza plotësuese nga “Fajzer” të cilat janë siguruar  nga negociatat direkte me kompaninë si dhe doza përmes sistemit Kovaks.

Nga Ministria e Shëndetësisë informuan se deri tani janë paraqitur 4000 punonjës shëndetësor  për vaksinim kundër Kovid-19 prej të cilëve rreth 2000 punonjës shëndetësor janë nga Shkupi ndërsa të tjerët janë nga qytetet e tjera.

Gjithsej 43.335 qytetarë kanë shprehur interesim  për vaksinim kundër Kovid-19 përmes ueb faqes “Vakcinacija.mk”. Përmes mjekëve amë janë paraqitur 13.511 persona, informuan për MIA-n nga Ministria e Shëndetësisë.

Kryeministri Zoran Zaev pranimdorëzimin e vaksinave të para nga Serbia e vlerësoi si akt të solidaritetit të madh, miqësisë dhe ndihmës së parë nga populli vëllazëror serb ndaj popullit të Maqedonisë dhe akt i sinqertë i  miqësisë.

Presidenti serb Vuçiq potencoi se  pranimdorëzimi i vaksinave  ka mundur të ndodh edhe para 10 ditëve, por ka pasur shumë problem me marrjen e lejes nga “Fajzer” për shkak të procedurave shumë të rrepta dhe u falënderua që përfundimisht kjo u është mundësuar.

Sipas të dhënave të Ministrisë së Shëndetësisë në 24 orëshin paraprak janë regjistruar 180 raste të reja me Kovid-19, të vdekur janë 13 dhe 206 pacientë të shëruar.

Numri i tërësishëm i personave të  diagnostifikuar me Kovid në vend nga fillimi i epidemisë arrin 97.052, numri i pacientëve të shëruar është 87.652, i  të vdekurve është 2.989, ndërsa i rasteve akrive arrin 6.411 prej të cilëve 2893 janë nga Shkupi. Në repartet infektive në vend mjekohen 585 pacientë me Kovid-19 prej të cilëve 237 janë në Shkup. (Zhurnal.mk)

Postime të ngjashme

Vazhdon debati i përgjithshëm për ribalancin e plotësuar të Buxhetit

Z H

Moti sot në RMV

Z H

Seanca të tre komisioneve kuvendore

Z H

Ali Ahmeti: Mbretëreshat e xhudos do mbeten inspirim dhe simbol për brezat e ardhshëm

D V

Lëvizja Besa mbajti kuvendin e nëndegës në Kamjan, ja kush u zgjodh kryetar

D V

Përurohet shëtitorja pranë bregut të Vardarit në rrugën “13 Nëntori”

D V

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...