Shkup, 6 prill – Unë garoj me platformë origjinale që nuk e ka asnjë kandidat tjetër, theksoi kandidatja për presidente Biljana Vankovska sot në takimin me qytetarët në Prilep. Ajo premton se do të udhëheqë një politikë të jashtme, fokus primar i së cilës do të jetë interesi ekonomik i Maqedonisë.
“Garojmë, jo me pyetjen nëse bullgarët janë në Kushtetutë apo jo, por me Kushtetutë krejtësisht të re, sepse kjo praktikisht prodhon një sistem jofunksional politik dhe kushtetues-juridik … Ndërprerja e Marrëveshjes me Bullgarinë, këtu nuk ka dilema, është detyra më e lehtë formale-juridike që mund të bëjë një president. Marrëveshja e Prespës gjithashtu do t’i nënshtrohet rishqyrtimit, respektivisht kontestimit në periudhën në vijim”, deklaroi Biljana Vankovska – kandidate për presidente.