Agjencia Zhurnal.mk
Maqedoni TOP LAJM

Varianti i ri i virusit arrinë edhe në Maqedoni por nuk është i rrezikshëm

Zhurnal Ads

Shkup, 14 janar – Zhurnal.mk – Virusi “zviceran” apo një variant i ri i CoVid-19 ka arritur në vend, por nuk paraqet rrezik të shtuar thonë autoritetet shëndetësore. Ministri i Shëndetësisë Venko Filipçe tha se ky lloj i virusit korona për herë të parë është detektuar në Zvicër. Ai tha se në laboratorët e ASHAM-it nuk është gjetur varianti britanik.

“Identik si ai që është detektuar në Britani të Madhe, jo! Tek ne janë detektuar 7 lloje mutacionesh gjenetike në Laboratorin e Akademisë së Shkencave dhe Arteve të Maqedonisë, që nga fillimi i krizës. Lloji që dominon nga fundi i verës dhe muajt kur u arrit piku tashmë është i ngjashëm në kuptimin e mutacioneve siç kanë ndodhur në Britani. Ky virus si i joni është regjistruar në Serbi dhe Zvicër” – deklaroi Venko Filipçe, ministër i shëndetësisë.

Ndërkaq në 24 orët e fundit në kovid qendrat e Shkupit janë hospitalizuar 36 pacientë për shkak të komplikimeve të shkaktuara nga CoVid-19. Vetëm në kryeqytet mbi 300 pacientë janë në kurim spitalor edhe 122 shtretër janë të lirë.

“Në Klinikën e Dermatologjisë 17 pacientë, në Neurologji 20 të sëmurë, në Institutin e TBC-së 19 pranime të reja, në Nefrologji po kurohen 15, në Klinika syve 6 dhe në ORL 16 të tjerë. Në Gastro 23 pacientë, në Spitalin 8 Shtatori gjithsej 92, në Klinikën Infektive 76 dhe në Kozle 22 pacientë” – njoftojnë nga Ministria e Shëndetësisë.

Ndërkaq, numri i rasteve të reja është relativisht i ulët në krahasim me testet e bëra. Një vlerësim i ri i gjendjes epidemiologjike do të bëhet me 18 janar nga Komisioni për Sëmundje Infektive, organ i cili këtë vit ende nuk ka mbajtur mbledhje për shkak se kryetari Zharko Karaxhovski po kurohet nga Kovidi.

Zhurnal Ads
Zhurnal Ads

Postime të ngjashme

Aksion i madh sonte në Vizbeg, “Tigrat” në gjah pas dilerëve të drogës

T E

Analisti bullgar: Nuk është respektuar marrëveshja për fqinjësi të mirë

E.E.

Me 15 milion dollarë do të blihen automjete të blinduara nga SHBA

T E

Nikollovski: Qeveria pranon rekomandimin për të përdorur klauzolën anti-korrupsion në prokurimin publik

T E

Xhaferi përfundoi me dëshminë për “27 Prillin”

E.E.

Mickoski, Sela, Gashi së bashku me Bashën dhe Mustafën në tryezë të përbashkët

E.E.
duke ngarkuar....

This website uses cookies to improve your experience. We'll assume you're ok with this, but you can opt-out if you wish. Accept Read more...