Vatër e madhe zjarri në Bulqizë, flakët rrezikojnë një banesë

Një vatër madhe zjarri është shfaqur këtë mbrëmje në livadhet e fshatit Dragu të njësisë administrative Fushë Bulqizë duke rrezikuar një banesë.

Gazetari Dëfrim Karaj raporton për Top Channel se fillimisht vatra e zjarri ka qenë e vogël, por e ndihmuar nga era flakët janë përhapur me shpejtësi duke djegur një sipërfaqe të madhe të livadheve.

Zjarri është pikasur nga banorët të cilët kanë njoftuar zjarrëfikëse e cila ka shkuar menjëherë në vendngjarje duke fikur zjarrin e cili ishte ofruar afër banesës.

Ende nuk dihen shkaqet e rënies së zjarrit, ndërkohë policia po heton nëse zjarri ka qenë i qëllimshëm.