Shkup, 25 maj – Grupet e punës të VLEN vazhdojnë bisedimet intenzive me VMRO-DPMNE. Grupi i punës nga VLEN sot ishin në selinë e VMRO për të vazhduar në detaje pikat e Qeverisë së ndryshimit dhe inkorporimit të prioriteteve të të dy programeve premtuese gjatë ciklit zgjedhor, shkruan zhurnal.mk.
Pakoja ekzekutive e koalicionit VLEN përfshinë kryetarin e Kuvendit, zëvendëskryeministrin e parë, gjashtë ministri, shtatë zëvendësministra dhe rreth 400 drejtori.
Kështu, Lëvizja Demokratike e Izet Mexhitit do të ketë:
– Zëvendës kryeministër të parë,
– Ministrinë e Mjedisit Jetësor dhe Planifikimit Hapësinor,
– Zëvendës ministër në MPB, dhe
– Zëvendës ministër në Transport dhe Lidhje,
Alterativa e Afrim Gashit do të ketë:
– Kryetarin e Kuvendit,
– Ministrinë e Eurointegrimit,
– Zëvendës ministër në Arsim,
– Zëvendës ministër në Bashkësitë etnike,
Lëizja Besa do të ketë:
– Ministrinë e Ekonomisë dhe Punës,
– Ministrinë e Çështjeve sociale, demografisë dhe rinisë,
– Zëvendës ministër në Kulturë dhe Turizëm.
Krahu i Arben Taravarit do të ketë:
– Ministër pa resor për Qeverisje të mirë,
– Ministrinë e Shëndetësisë,
– Zëvendës ministër në Bujqësi,
– Zëvendës ministër në Mbrojtje,
Vlen në kabinetin e ri qeveritar do të ketë edhe sekretar shtetëror në disa dikastere si dhe drejtori shumë të rëndësishme. Zhurnal mëson se në bisedime është drejtoria e Doganave, MEPSO dhe Ndërmarja për Rrugë Shtetërore.