Agjencia Zhurnal.mk
Maqedoni

Vazhdon konkursi në Prokurorinë për luftimin e korrupsionit dhe krimit të organizuar

Shkup, 9 shtator, zhurnal.mk – Konkursi për pesë vendet e lira të prokurorëve në Prokurorinë për luftimin e korrupsionit dhe krimit të organizuar është i hapur tash e disa ditë. Përpos kushtit se për këto pozita duhet të konkurrojnë vetëm prokurorë, ata – sipas dispozitave ligjore, për t’u bërë pjesë e Krimeve të rënda duhet ta plotësojnë edhe një kusht të posaçëm, e ai ka të bëjë me përvojën minimale prej katër vitesh si prokuror, me rezultate të dëshmuara në punën e tij, si dhe të jetë i vlerësuar me notë pozitive në dy vitet e fundit.

Sistematizimi i ri në Prokurorinë për luftimin e korrupsionit dhe krim të organizuar vijoi pas hyrjes në fuqi të Ligjit të ri për Prokurorinë publike, i cili kësaj prokurorie ia dha edhe një kompetencë shtesë lidhur me luftimin e korrupsionit të lartë. Aktualisht, kjo prokurori numëron nëntë prokurorë dhe shefen e saj, prokuroren Vilma Ruskoska. Pjesë e këtyre prokurorëve janë edhe dy prokurorë shqiptarë, Engëllushe Kadriu-Leshi dhe Valentina Bislimovska. Në bazë të parimit të përfaqësimit të drejtë dhe adekuat të shqiptarëve në institucionet shtetërore, prej pjesë prokurorëve të rinj që duhet të zgjedhën – dy apo tre duhet të jenë shqiptarë.

Shpërbërja e ish-Prokurorisë Speciale Publike ndikoi që prokurorët special të kthehen në prokuroritë amë. Kështu ndodhi edhe me tre prokurorët shqiptarë që ishin pjesë e kësaj prokurorie – Fatime Fetai dhe Artan Ajro, i kthyen në Prokurorinë e Shkupit, ndërkohë Burim Rustemi, në atë të Kumanovës. Mbetet të shihet nëse kjo treshe e prokurorëve do të jetë pjesë e ekipit të ri të Krimeve të rënda, ose lëndët e tyre të nisura në ish-PSP, do t’i përfaqësojë ndonjë prokuror tjetër.

Postime të ngjashme

Interpelancat në Kuvend, “ping – pong” i qeverisë me opozitën

R Zh

Vazhdon mbledhja e Komisionit për çështje historike, debati mbi figurën e Goce Dellçevit

B L

Gjendja me Kovid-19 po qetësohet, kërkohet vigjilencë në periudhën që vijon

B L

Rrugët në disa vende të lagështa, intensiteti i komunikacionit mesatar

B L

Nuhiu takon Isenin / Gjuha shqipe edhe do të shkruhet edhe do të mbrohet gjithandej

R Zh

Komuna e Çairit shënon ditën e planetit Tokë

R Zh

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...