Vendet e Ballkanit Perëndimor në rend dite në samitin e BE-së në Brdo

Samiti i BE në Brdo diskuton për raportet me SHBA-në dhe Kinën si dhe mundësinë e zgjerimit me vendet e Ballkanit Perëndimor.

Kryetarët e shteteve dhe të qeverive të BE-së nga dita e martë (05.10) do të diskutojnë në Brdo të Sllovenisë marrëdhëniet me SHBA dhe perspektivën e anëtarësimit të vendeve të Ballkanit. Në samitin në Slloveni do të jetë edhe kancelarja e Gjermanisë Angela Merkel.

Konsultimet fillojnë të martën në mbrëmje në orën 19:00 me një darkë jo formale në kështjellën neo-klasike në Brdo afër Kranjit. Sllovenia kryeson aktualisht presidencën e radhës në BE.

Temat e samitit, sipas diplomatëve të BE-së janë: gjendja në Afganistan dhe raporti me SHBA-në dhe Kinën. Të mërkurën (6.10) krerët e vendeve të BE-së do të konsultohen me kryetarët e shteteve dhe të qeverive të vendeve të Ballkanit Perëndimor: Shqipërisë, Maqedonisë së Veriut, Serbisë, Kosovës, Bosnje-Hercegovinës dhe Malit të Zi. Në këtë raund do të bisedohet për mundësinë e zgjerimit të BE-së. Për shkak të rezervave që kanë vende të ndryshme anëtare të BE-së ky proces prej vitesh ka mbetur pezull./DW/

Related posts

India miraton vaksinën e parë në botë të ADN-së kundër koronavirusit

Redaksia

Emmanuel Macron: Ushtria franceze ka vrarë liderin e ISIS-it

D V

Gjermania do të mirëpresë konferencën e paqes së Libisë

Redaksia

This website uses cookies to improve your experience. We'll assume you're ok with this, but you can opt-out if you wish. Accept Read More