Vendet e Bashkimit Evropian akuzojnë Rusinë për rritjen e çmimit të gazit

Komisioni Evropian po shqyrton ankesat e disa vendeve të Bashkimit Evropian se Rusia po përdor pozicionin në treg për të nxitur rritjen e çmimeve të gazit në rajon.

Furnitori rus Gazprom ka përmbushur detyrimet e shitjeve në kontratat afat-gjatë, por nuk i ka shtuar. Kjo ka tërhequr akuza nga politikanët e Bashkimit Evropian, se po rrit çmimet në kontinent, që kanë arritur në nivele rekord të larta prej tkurrjes së ofertës dhe faktorë të tjerë.

“Ne po shohim këtë pretendim, së bashku me zëvendëspresidenten Margrethe Vestager, që është e përgjegjshme për rregullat e konkurrencës, pasi është çështje me rëndësi”, tha komisionarja e Energjisë, Kadri Simson.

Ndërkohë shefja e Konkurrencës, Margrethe Vestager tha se sipas vlerësimeve fillestare, Rusia po respekton kontratat afat-gjatë.

Moska po pret miratim rregullator për gazsjellësin “Nord Stream II”, për të nisur pompimin e gazit në Gjermani. Kritikët thonë se Rusia ka ushtruar presion për të përshpejtuar miratimin e projektit, duke mos furnizuar gaz shtesë në Evropë, përballë rritjes së çmimeve.

Brukseli do publikoi javën e ardhshme udhëzime për vendet që të reagojnë ndaj rritjes së çmimeve, përfshirë subvencione dhe zbritje tatimore të energjisë, masa që disa qeveri i kanë prezantuar.

Simson tha se udhëzimet do konsiderojnë gjithashtu masa që mund të merren në nivel të BE. Vende, përfshirë Spanja, Franca dhe Polonia, kanë thënë se tkurrja e çmimeve duhet të përballet me një koordinim evropian, si reforma në tregun e energjisë apo blerje të përbashkët të gazit. /Scan TV/

Related posts

Afati për parashtrimin e TVSH-4 vazhdohet deri më 27 tetor

Z H

MF: Ulet borxhi shtetëror, vazhdojmë përpjekjet për stabilizim të borxhit

Z H

Mbledhje të Komisionit për Financa dhe Buxhet dhe Këshillit Buxhetor të Kuvendit

Z H

This website uses cookies to improve your experience. We'll assume you're ok with this, but you can opt-out if you wish. Accept Read More