Agjencia Zhurnal.mk
Kosovë TOP LAJM - KS

Vendimi i Kushtetueses ndryshon listën e deputetëve të VV-së

Komisioni Qendror i Zgjedhjeve të martën ka ndryshuar listën e deputetëve të Lëvizjes Vetëvendosje, duke u bazuar në aktgjykimin e Gjykatës Kushtetuese.

Zëvendësimi i deputetëve sipas votave dhe jo sipas gjinisë (bazuar në vendimin e Kushtetueses) ka sjellë ndryshim të emrave të kandidatëve që rekomandohen për zëvendësimin e deputetëve që u bënë ministra.

Në mbledhjen e Komisionit Qendror të Zgjedhjeve është vendosur që nga Lëvizja Vetëvendosje deputetë do të jenë Ekrem Mustafa dhe Enver Dugolli, të cilët do të zëvendësojnë dy deputetë që u bënë ministra.

Emrat e Ekrem Mustafës dhe Enver Dugollit zëvendësojnë Yllza Hotin e Gresa Bytyqi Kelmendin, të cilat kishin hyrë për shkak të kuotës gjinore.

Deputetët e Lëvizjes Vetëvendosje të cilët do t’i zëvendësojnë deputetët që u bënë ministra, nga Lëvizja Vetëvendosje janë: Enver Haliti, Shqipe Isufi, Mirsad Shkreta, Gramos Agusholli, Alban Bajrami, Jahja Kokaj, Hudajet Hyseni Kaloshi, Ekrem Mustafa dhe Enver Dugolli.

Kryetarja e Komisionit Qendror të Zgjedhjeve, Valdete Daka, ka bërë të ditur se nga subjekti politik “Nova Demokratska Stranka-NDS”, është Samra Ilijaz, e cila do të zëvenësojë Emilija Rexhepin.

Nga Iniciativa e Re Demokratike e Kosovës – IRDK”, është Fridon Lala, i cili do të zëvendësojë Elbert Krasniqin.

Nga subjekti politik Kosova Demokratik Türk Partisi – KDTP”, është Enis Kervan, i cili do të zëvendësojë Fikrim Damkën.

Në mbledhjen e kaluar, KQZ-ja kishte rekomanduar që dy deputete të cilat u bënë ministre të zëvendësohen me dy deputete tjera, por aktgjykimi i Gjykatës Kushtetuese ka sjellë rrethana të reja pasi shfuqizon nenin e ligjit që kërkon që zëvendësimi i një deputeti të bëhet vetëm me kandidatin e gjinisë së njëjtë.

Postime të ngjashme

​Shoqatat e luftës në Dukagjin: Flamuri serb në Koshare – provokim për shqiptarët

Dafina Vidishiqi

Ganimete Musliu pyet: Kah po shkon ky vend?

Dafina Vidishiqi

Presidentja Osmani: Nuk kemi nevojë për një non-paper t’na tregojë çka të bëjmë

Dafina Vidishiqi

Agim Veliu tërë mllef pas shkarkimit, e quan maskaradë dhe lojë të ndyrë të Abdixhiku

Dafina Vidishiqi

Kosova në OKB edhe pa njohje nga Serbia

Dafina Vidishiqi

Merovci: Rugova ka qenë menaxher shumë i dobët

Dafina Vidishiqi

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...