Agjencia Zhurnal.mk
Maqedoni

Vendosim qasje sistematike të kujdesit për njerëzit me sëmundje të rralla dhe rrisim numrin e ilaçeve

Shkup, 27 shkurt – Në fundin e muajit, kushtuar sëmundjeve të rralla dhe të fushatës “i njoftojmë sëmundjet e rralla”, kryeministri Zoran Zaev dhe ministri i Shëndetësisë, Venko Filipçe u takuan me 12 përfaqësues të shoqatës për sëmundje të rralla, kumtoi sot pres shërbimi qeveritar.

Kryeministri Zaev i konfirmoi angazhimet e Qeverisë ndaj afirmimit dhe përkrahjes së qytetarëve, të cilët jetojnë me sëmundje të rrallë, shoqatave të cilat u japing zë dhe tha se politikat e miratuara gjatë katër viteve të kaluara krejtësisht e kanë ndryshuar qasjen ndaj ballafaqimit me sëmundje të rralla dhe kujdesit për pacientët.

“Kur ndonjë ballafaqohet me sëmundje, tërë familja e bart barën e kësaj sëmundje.Për këtë shkak janë bërë më shumë hapa për përmirësimin e cilësisë së shërbimeve shëndetësore për këta pacientë dhe nuk ndalemi në atë që është bërë deri tani. Lidhur me numrin e pacientëve, të cilët marrin terapi përmes Fondit për sigurim shëndetësor, është vërejtur rritje e pacientëve të përfshirë prej 96 në vitin 2015, deri 190 në vitin 2020. Në vitin 2017 buxheti për sëmundjet e rralla ka qenë 213 milionë denarë, ndërsa në vitin 2020 ai është dyfishuar dhe ka qenë 527 milionë denarë”, tha kryeministri Zaev dhe shtoi se për herë të parë është vendosur regjistër eletronik për sëmundje të rralla.

“Qasja sistematike për kujdes të pacientëve për sëmundje të rralla, tha kryeministri është potencial për krijimin e politikave adekuate. Falë regjistrit elektronik të sëmundjeve të rralla, çdo mjek nga institucionet shëndetësore publike, i cili shëron pacient me sëmundje të rrallë, ka pasqyrë vetëm për pacientët e tij të cilët i shëron, si dhe evidencë të tërësishme për terapinë e përshkruar”, sqaroi Zaev.

Ministri Filipçe, njerëzve të cilët jetojnë me sëmundje të rrallë i porositi se nuk janë vet dhe se Ministria e Shëndetësisë është çdo herë e hapur që t’i dëgjojë nevojat e tyre dhe në mënyrë profesionale t’i ndjek terapitë e reja dhe të çasshme.

Filipçe theksoi se me Strategjinë e përpunuar kombëtare për sëmundje të ralla 2020-2030 në mënyrë shtesë do të mundësohet avancimi i legjislaturës sipas rregullativave evropiane për ilaçe për sëmundje të ralla, dhe për avancimin e ekspertizës së personelit mjekësor në shtetin tonë.

Natasha Angjeleska, përfaqësuese e shoqatës për sëmundje të rrallë, tha se përparimi është i madh në shtet dhe ka shprehur falënderim që janë të mirëseardhur në Qeveri, ku lirisht flasin për sfidat dhe atë që më tej duhet të bëhet në drejtim të avancimit të gjendjes për sëmundje të rralla.

Postime të ngjashme

Zaevi nesër takon Selën dhe Gashin

R Zh

Radiologjia prej një muaji pa rezonancë magnetike, pacientët paguajnë 500 te privati

R Zh

Edhe nesër me diell, nga e marta vranësira, reshje dhe ulje të temperaturave

R Zh

Bytyqi: Me mbështetje të drejtpërdrejtë financiare e kthejmë kreativitetin e ivent industries

R Zh

Në Dibër edhe një viktimë nga Kovid-19, deri më tani gjithsej 40

R Zh

Despotovski: Përkundër pandemisë, kompanitë në zonat TIR kanë rezultate pozitive ekonomike

R Zh

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...