Agjencia Zhurnal.mk
Kosovë

Veseli: Kushdo që i fiton zgjedhjet në Amerikë, do të vazhdojë tradita e përkrahjes së Kosovës

Zhurnal Ads

Kryetari i Partisë Demokratike të Kosovës, Kadri Veseli ka thënë sot se zgjedhjet në Amerikë janë ngjarje e madhe për tërë botën demokratike, ndërsa theksoi se Kosova ka gëzuar gjithmonë mbështetjen nga të gjitha administratat e presidentëve të SHBA-ve pavarësisht partive.

Veseli në një postim në rrjetin social Facebook shkruan se ka pasur fatin të takojë e bashkëpunoj me Donald Trump dhe Joe Biden.

Lexoni të plotë postimin:

Kosova e ka gëzuar gjithmonë mbështetje bipartizane në Shtetet e Bashkuara të Amerikës dhe është përkrahur nga të gjitha administratat e presidentëve të Shteteve të Bashkuara pavarësisht partive. Për Kosovën, aleanca me këtë shtet mik, vazhdon të jetë në thelb të pozicionimit gjeopolitik dhe të konsolidimit të lirisë dhe demokracisë së saj.

Unë kam pasur fatin që të takoj e bashkëpunoj qoftë me Presidentin Trump dhe qoftë me zv. Presidentin Biden, për të mirën e Kosovës. Ne jemi me fat e të bekuar me këtë aleancë të shenjtë për popullin tonë, edhe kemi përgjegjësi që ta kultivojmë atë.

Zgjedhjet në Shtetet e Bashkuara të Amerikës janë ngjarje e madhe për tërë botën demokratike. Populli i Amerikës zgjedh jo vetëm presidentin e tyre, por edhe liderin e botës së lirë që udhëheq hemisferën demokratike.

Andaj, është më se i kuptueshëm entuziazmi dhe interesi i shtuar për këtë proces. Megjithatë, popullit të Kosovës nuk i takon që të mbajë anë në këtë proces por duhet të respektojë vullnetin politik e procedurat demokratike të këtij vendi mik. Shteti i Kosovës do të jetë gjithmonë me Amerikën, e padyshim Shtetet e Bashkuara të Amerikës me popullin e saj, do të jenë krah nesh.

Presidentit Trump dhe ish-zv. Presidentit Biden iu uroj fat e suksese në garën e tyre presidenciale. Ndërkaq besoj se kushdo që i fiton zgjedhjet do të vazhdojë traditën e përkrahjes së Kosovës”.

Zhurnal Ads
Zhurnal Ads

Postime të ngjashme

Qytetarët e Gjilanit nga sot mund të kryejnë testet PCR në Qendrën rajonale të IKSHPK-së në këtë komunë

S.B.

Analisti Ramush Tahiri parashikon rezultatin e zgjedhjeve, flet edhe për koalicionet e mundshme

S.B.

Një muaj paraburgim për gruan që deshi ta mbys djalin e saj 9-vjeçar me kabllo në fyt

admin

Qeveria nuk i ka siguruar ende vaksinat anti-COVID

S.B.

Pezullohet nga puna drejtori ekzekutiv i Agjencisë për Mbrojtjen e Mjedisit

admin

Hoti: Jemi ndër tri-katër vendet që e kemi menaxhuar më së miri pandeminë

S.B.
duke ngarkuar....

This website uses cookies to improve your experience. We'll assume you're ok with this, but you can opt-out if you wish. Accept Read more...