Agjencia Zhurnal.mk
Sport

Vidal si Ibrahimovic dikur: Klubi ku luan ai, e fiton titullin

Klubet e kanë gjetur formulën për ta fituar titullin kampional – thjesht duhet ta transferojnë Arturo Vidalin. Mesfushori i Interit ka fituar nëntë tituj në dhjetë sezonet e fundit me të gjithë klubet ku ka luajtur.

Kiliani iu bashkua Juventusit në vitin 2011 dhe që atëherë në katër sezone radhazi u shpall kampion i Serie A derisa u largua nga Bianconerët në fund të sezonit 2014/2015.

Asokohe iu bashkua Bayern Munichut për të vazhduar me tre tituj të tjerë në Bundesliga deri kur u largua në fund të edicionit 2017/2018.

Sezonin e ardhshëm (2018/2019) luajti te Barcelona, klub me të cilin e fitoi titullin e La Ligas.

Ai ishte pjesë e Blaugranëve edhe në edicionin 2019/2020, porse ky ishte sezoni i vetëm pa titull brenda një dekade (pasi titullin e fitoi Real Madridi).

Në fillim të sezonit aktual, Vidal iu bashkua Interit dhe sërish u shpall kampion i Italisë me Nerazzurrët.

Dikur një rekord të ngjashëm kishte edhe Zlatan Ibrahimovic që filloi me dy tituj në Eredivisie (2001/2002 dhe 2003/04) me Ajaxin, për të vazhduar me dy të tjerë me Juventusin në Serie A (2004/2005 dhe 2005/2006, që iu morën si pasojë e skandalit Calciopoli).

Sulmuesi legjendar iu bashkua më pas Interit duke i fituar tre tituj të tjerë në Itali (2006/2007, 2007/2008 dhe 2008/2009) dhe për një sezon (2009/2010) ishte te Barcelona ku e fitoi La Ligan.

Rikthimi në Serie A, këtë herë të Milani (2010/2011) i solli një tjetër titull kampional, derisa në sezonin pasues iu ndërpre rekordi i titujve me Rossonerët.

Nga Italia, Ibra shkoi te Paris Saint-Germaini në Francë, ku vazhdoi me katër tituj të tjerë radhazi të Ligue 1 (2012/2013, 2013/2014, 2014/2015 dhe 2015/2016).

Rrjedha e fitimit të titujve kampionalë u ndërpre kur u transferua te Manchester Unitedi në vitin 2016 (megjithëse e fitoi Kupën EFL, Community Shield dhe Ligën e Evropës) dhe pastaj te LA Galaxy në Amerikë, ndërsa u rikthye këtë sezon te Milani për të shkëlqyer edhe në moshën 39 vjeçare, megjithëse Rossonerët nuk arritën të shpalleshin kampionë.

Postime të ngjashme

Reali humb Mendin deri në fund të sezonit

Z H

Milan nuk do ta shesë Romagnolin

Z H

Shkëmbim tjetër mes Barcelonës dhe Juventusit

Z H

Milani prezanton fanellën e parë për sezonin e ri

Z H

Pirlo: Kampionati nuk ka mbaruar

Z H

Juventusi nuk e shkarkon Pirlon

Z H

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...