Shkup, 13 dhjetor – Pata kënaqësinë të mirëpres në Komunën e Çairit zëvendësministren e Sportit, znj. Sadije Sadiki Shaini, njoftoi kryetari i Çairit, Visar Ganiu. Gjatë takimit ata kanë biseduar për rëndësinë e sportit si një mjet për edukimin dhe zhvillimin e të rinjve, si dhe për nevojën që komuniteti ynë të ketë më shumë mundësi për aktivitete sportive.
“Diskutuam gjithashtu mbi mënyrat për të përmirësuar qasjen ndaj sportit dhe për të krijuar kushte më të mira për zhvillimin e talenteve lokale.
E vlerësoj përkushtimin e znj. Shaini dhe mbështetjen e saj të vazhdueshme ndaj komunitetit tonë. Do të vazhdojmë bashkëpunimin për të sjellë ndryshime pozitive dhe për të nxitur një frymë sportive që përfshin të gjithë qytetarët e Çairit. Faleminderit për vizitën dhe angazhimin tuaj të çmuar!”, njoftoi Ganiu.