Ministri i Shëndetësisë, Arben Vitia, ka thënë se miratimi i Strategjisë Sektoriale të Shëndetësisë, është hartuar me qëllim të zhvillimit të një vizioni dhe qasje strategjike në kuadër të vazhdimësisë së reformave nëpër të cilat është duke kaluar sektori i shëndetësisë, raporton Ekonomia Online.
“Sot mbajtëm mbledhjen e Qeverisë ku një nga pikat ishte Strategjia Sektoriale e Shëndetësisë. Miratimi i Strategjia Sektoriale e Shëndetësisë. Ky sektor prek çdo ditë jetën e qytetarëve, është i domosdoshëm sepse na prek të gjithëve në arritjet tona për përmirësimin e strategjisë shëndetësore. Kjo Strategji është hartuar me qëllim të zhvillimit të një vizioni dhe qasje strategjike në kuadër të vazhdimësisë së reformave nëpër të cilat është duke kaluar sektori i shëndetësisë”, tha Vitia.
Vitia tha se kjo strategji ka dhe mbulueshmëri financiare.
“Pas miratimit të draftbuxhetit të ndarjeve buxhetore, kjo strategji ka edhe mbulueshmëri financiare. Strategjia Sektoriale e Shëndetësisë, ka synim përmirësimin e kushteve të qytetarëve”, tha Vitia.