Agjencia Zhurnal.mk

Vizita e parë si kreu i OSBE, Rama në Kiev: Qëllimi ynë arritja e një armëpushimi

Tiranë, 20 janar – Rama ka zgjedhur Ukrainën për të zhvilluar vizitën e tij të parë në pozitat e kreut të OSBE-së.

Kryeministri i Shqipërisë është shprehur se nën drejtimin e OSBE-së do të angazhohet në zgjidhjen e krizës mes Ukrainës e Rusisë përmes diplomacisë. Objektivi sipas Ramës do të jetë arritja e një armëpushimi të plotë mes palëve, në mënyrë që konflikti për Krimenë të mos prodhojë me viktima civile. Rama shtoi gjithashtu se do të shkojë vetë në zonat e prekura për të parë më nga afër se çfarë po ndodh.

“Ju shpreh mirënjohjen për mikpritjen e ngrohtë, si dhe ju falenderoj për diskutimet produktive. Pres me padyrim të takohem me kryeministrin dhe presidentin më vonë. Nuk është rastësi që Ukraina është vizita ime e parë në këtë detyrë të re, ajo reflekton rëndësinë e madhe që i kushtoj zgjidhjes së krizës. Në këndvështrimin tim kjo mbetet sfida më e ngutshme për sigurinë dhe stabilitetin. Do inkurajojmë respektimin e plotë të marrëveshjeve të Minskut. Por ndërkohë marrëveshjet po diskutohen se duke qenë se po diskutohen prej kohësh do kërkohet ende një gjë e tillë. Por është thelbësore jeta e njerëzve që jetojnë në zonat e prekura nga konflikti dhe aty ne do punojmë fort. Garantimi i ndalimit të të shtënave dhe një armëpushim është jetik për njerëzit atje. Ky konflikt vazhdon të prodhojë viktima civile që është diçka që duhet të ndalë. Synimi ynë është të sigurojmë një armëpushim të plotë dhe të qëndrueshëm. Rifillimi i një dialogu të nivelit të lartë janë hapa të duhur, megjithëse rruga drejt paqes do vazhdojë.

Ndamë dhe me ministrin se kontributi që është dhënë nga burrat dhe gratë e misionit të OSBE në Ukrainë është thelbësor për paqen, prandaj duhet forcuar me një buxhet solid, që ky mision të bëjë dhe më mirë rolin e vet. shpresoj fort që moti të na lejojë të vazhdojmë drejt Ukrainës Lindore nesër ku dua ta shoh zonën nga afër dhe ndikimin e këtij misioni. Ky është thelbi i misionit tonë sepse jemi të vetëdijshëm që shumë aktorë të mëdhenj po bëjnë përpjekje për këtë konflikt, por jo shumë nga këto përqendrohen te njerëzit realë, tek ata që përballen me këto mundime. Dëgjova nga vetë ministri se sa vëmendje dhe përpjekje kanë bërë autoritetet ukrainase për të lehtësuar ata. Ne nuk po premtojmë mrekullinë, por jemi këtu sepse ne mund të bëjmë diçka më mirë se të tjerët për ata që janë në këtë situatë dhe që janë të pafajshëm”-tha Rama në takimin e tij me Ministrin e Jashtëm të Ukrainës./Express

Marketing 2/1

Marketing 2/2

Marketing 2/1

Marketing 2/2

XH.I

Lajmet e fundit

Loading...