Agjencia Zhurnal.mk
Kronika Maqedoni

Vjedhësit e drunjëve sulmojnë 5 policë, njëri prej tyre përfundon në spital

Veles, 25 shtator – Zhurnal.mk – Pesë policë të cilët mbrëmë u sulmuan nga dru-vjedhësit në zonën e fshatit Stepanci, u sollën në spitalin e Përgjithshëm në Veles.

Njëri prej tyre kishte dëmtime të rënda në kokë dhe pas ndihmës së parë, rreth orës 22:00 ai menjëherë u transferua në Qendrën e Urgjencës në Shkup.

Dy nga policët u lanë të lirë në shtëpi, dhe dy u mbajtën në repartin e Kirurgjisë në spitalin e Përgjithshëm në Veles.

“Njëri prej tyre, i cili kishte lëndime nga shkop druri në stomak, mbrëmë u ankua për dhimbje dhe u dërgua në repartin e Kujdesit Intensiv në spitalin e Velesit dhe tani është në gjendje të qëndrueshme”, deklaroi për MIA-në, dr. Vesna Nedellkovska-Nikollova, zëdhënëse e spitalit të Përgjithshëm në Veles.

Incidenti ndodhi mbrëmë rreth orës 20:00 në rrugën e vjetër fsh.Izvor – Prilep, në rajonin e fshatit Stepanci kur një grup vjedhësish druri sulmuan patrullën policore të pesë policëve nga departamenti i Policisë – Çashkë.

Zëdhënësi i SPB Veles, Veroljub Dodevski informoi se deri më tani janë arrestuar katër persona.

“Rasti është duke u zbardhur”, tha Dodevski.

Postime të ngjashme

Rishikimi i buxhetit, dyfish më shumë për qeverinë

Zekirija Haxhiu

4 raste të reja dhe 1 viktimë nga Covid

Zekirija Haxhiu

Gjykatësit me rritje të pagave prej 15% deri në vitin 2022

Zekirija Haxhiu

Shekerinska: Treguam se mund të kontribojmë si aleatë në NATO njejtë si të tjerët

Zekirija Haxhiu

Zaev – Duda: Është shumë e rëndësishme mbështetja polake për RMV-në në BE

Zekirija Haxhiu

Shtrenjtohen nafta dhe benzina

Zekirija Haxhiu

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...