Versioni i fundit i një furgoni nga Volkswagen u zbulua në shtator në ekspozitën IAA Transportation në Gjermani, por tani kompania ka njoftuar detaje të mëtejshme të modelit të ri hibrid plug-in, duke përfshirë gamën dhe specifikimet – të paktën për tregun evropian.
Bëhet e ditur se Volkswagen ka vënë në shitje Multivan eHybrid 4Motion në Evropë, me një çmim prej 70,668 Euro.
Pavarësisht nga ajo që mund të sugjerojnë përmasat, ai përdor platformën MQB evo të VW, që do të thotë se përfiton gjerësisht nga të njëjtat motorë fuqish si një sërë veturash VW.
Dhe ashtu si Volkswagen Golf, Multivan po përdor sistemin e ri hibrid të gjeneratës së dytë ‘eHybrid’ të Volkswagen, së bashku me lëvizjen me të gjitha rrotat 4Motion.
Është hera e parë që VW kombinon këtë sistem të ri hibrid plug-in me lëvizjen me katër rrota dhe kjo jo vetëm që lejon më shumë fuqi, por edhe më shumë diapazon.