66
Poeti nga: Charles Bukowski
Përktheu: Fadil Bajraj
dashuriçkat e mia të dikurshme ende më thërrasin
disa nga viti i kaluar
disa nga viti më i përparshëm
disa nga vitet e mëhershme,
mirë është t’i çosh duart nga punët
kur nuk të shkojnë ashtu si duhet
e mirë është edhe mos të urresh
apo bile ta harrosh
atë me të cilën nuk ia
del.
dhe bash më pëlqen kur më thonë
se kanë fat me mashkullin e
fatit në jetë.
kur e kanë përjetuar këtë
shumë gëzime i presin.
ua kam mundësuar që jeta t’u duket më e mirë
pas meje.
ua kam dhënë mundësinë e
krahasimit
horizonte të reja
kara të rinj
më shumë rehati
ardhmëri për merak
pa mua.
përherë e ul dëgjuesen i
kënaqur.